Дури и ако не си вљубеник во спортот, спортските филмови имаат магија што оди подалеку од резултатот на семафорот. Во нив не навиваме само за победите, туку и за луѓето, нивните борби, соништа, враќања и порази што водат до раст. Тие нè потсетуваат дека вредните битки не се водат само на теренот, туку и во животот.
Без разлика дали ти треба доза адреналин, инспирација или едноставно сакаш да поминеш вечер со добар филм што ќе ве однесе во светот на храброста, дисциплината и (не)среќните падови – во оваа листа има по нешто за вас.
Во продолжение нудиме преглед на 10 спортски филмови што публиката најмногу ги гледала на Нетфликс во првата половина од 2025 година. Без разлика дали сте тим дрес или тим ќебенце – земете пуканки и да почнеме!
1. The Swimmers
Спорт: Пливање
Актери: Натали Иса, Манал Иса, Ахмед Малек
Содржина: Двете сестри Јусра и Сара Мардини тргнуваат на опасно патување од во војната разурнатата Сирија кон Европа. Кога нивниот чамец се расипува, тие скокаат во водата и со пливање ги спасуваат животите на бегалците. Подоцна, Јусра настапува на Олимписките игри во Рио де Жанеиро во 2016 година како дел од тимот на бегалци.
Netflix
Зошто да го гледате? Филмот е моќен спој на спорт и активизам, приказна за човечката издржливост и сестринската љубов која буквално спасува животи. А не е фикција – заснован е на вистинита приказна.
2. Million Dollar Baby
Спорт: Бокс
Глумци: Хилари Свонк, Клинт Иствуд, Морган Фриман
Содржина: Меги, сиромашна келнерка, сонува да стане професионална боксерка. Го убедува стариот и циничен тренер да ја прими под свое крило, а нивниот однос прераснува во длабока емотивна поврзаност. Но, спортот има и темна страна.
Зошто да го гледате? Овој филм е многу познат, но сепак вреди да се погледне – тој е повеќе од борби во рингот. Приказна е за верата, втората шанса и емотивните нокаути. Добитник е на четири Оскари, вклучувајќи ја и наградата за најдобар филм.
3. King Richard
Спорт: Тенис
Глумци: Вил Стим
Содржина: Ричард Вилијамс, таткото на идните тениски шампионки Серена и Венус, имал план како да ги доведе до светска слава. Филмот ја прикажува нивната рана патека, тренинзите на лоши терени и одбивањата, но и непоколебливата вера на таткото во своите ќерки.
Netflix
Зошто да го гледате? Ова не е само спортски филм – туку лекција за родителството, стратегијата и верата во невозможното. Вил Смит доби Оскар за оваа улога.
4. Jerry Maguire
Спорт: Американски фудбал / спортски менаџмент
Глумци: Том Круз, Рене Зелвегер, Куба Гудинг Џуниор
Содржина: Џери, успешен но немилосрден спортски агент, доживува морален пресврт и ги губи клиентите, работата и сигурноста. Му останува само еден клиент и една жена која верува во него.
Netflix
Зошто да го гледате? Филмот е полн со легендарни реплики како „Show me the money!“, „You complete me.“, но и прикажува како изгледа кога ќе ја избереме совеста наместо профитот.
5. Home Run
Спорт: Бејзбол
Глумци: Скот Елрод, Дориан Браун
Содржина: Кори Бренд, професионален играч на бејзбол, мора да се соочи со своето деструктивно однесување. По еден инцидент на теренот, тој се враќа во својот роден град и станува тренер на детски тим.
Зошто да го гледате? Ова е приказна за искупување, соочување со минатото и пронаоѓање на смисла надвор од славата и статистиката.
6. 12 Mighty Orphans
Спорт: Американски фудбал
Глумци: Лук Вилсон, Мартин Шин
Содржина: За време на Големата депресија, група сирачиња од сиропиталиште во Тексас формира фудбалски тим. Нивниот харизматичен тренер користи иновативни методи и ги води до државното првенство.
Netflix
Зошто да го гледате? Филм што инспирира и покажува дека дури и оние што општеството ги заборава можат да станат херои.
7. Final Set
Спорт: Тенис
Глумци: Алекс Лутц, Ана Жирардо
Содржина: Томас е поранешен младински талент кој никогаш не го достигнал врвот. Во своите триесетти години, тој се обидува последен пат да влезе на „Френч опен“, и покрај болките, семејната динамика и младите противници.
Зошто да го гледате? Филмот е реалистичен приказ на внатрешните дилеми на спортистите и поставува прашања како – кога е време да се откажеш и дали мораш?
8. Embattled
Спорт: ММА
Глумци: Стивен Дорф, Дарен Ман
Содржина: Брутален ММА шампион се обидува да го направи својот син наследник, но нивната врска се крши под притисокот од малтретирањата и контролата. Двајцата завршуваат во рингот, еден против друг.
Зошто да го гледате? Интензивните физички и емотивни борби што ги носиме од семејството често се потешки од оние во октагонот.
Netflix
9. Race
Спорт: Атлетика
Глумци: Стефан Џејмс, Џејсон Судеикис, Џереми Ајронс
Содржина: Џеси Овенс, афроамерикански атлетичар, се соочува со расизам во Америка и нацистичка Германија додека урива рекорди на Олимпијадата во 1936 година.
Зошто да го гледате? Историја и спорт споени во моќна приказна за храброст, достоинство и сила на волјата.
10. Hustle
Спорт: Кошарка
Глумци: Адам Сендлер, Хуанчо Ернангомез, Квин Латифа
Содржина: НБА скаут открива неоткриен, но неверојатен талент во Шпанија. За да му обезбеди шанса во лигата, тој го ризикува својот кариерен пат.
Netflix
Зошто да го гледате? Спој на спортски трилер и приказна за менторство. Сендлер во сериозна улога, а вистинските НБА играчи го прават филмот уште поавтентичен.
Ве потсетуваме дека каталогот на Нетфликс се разликува по региони, па затоа филмовите може да се прикажуваат или да бидат недостапни, во зависност од лиценцата на земјата од каде што гледате.
Овие филмови доминираа во спортските категории на платформата од јануари до јуни 2025 година, според „Фликспатрол“, веб сервис што ја следи гледаноста по жанр и земја.
Без разлика дали сте љубител на тенис, боречки спортови, фудбал или само барате добра приказна, овие наслови го имаат најважното – срце, борба и причина да навиваме. Ако ги сакате и документарците, проверете ги „Formula 1: Drive to Survive“, „Full Swing“ (голф) или „Quarterback“. А за женска спортска инспирација, дефинитивно погледнете го „The Swimmers“ како број еден оваа сезона.
.webp){kind=icon}
