Гостин кој се сместил во хотел со пет ѕвезди во Делхи за една ноќ, останал речиси две години пред да се одјави без да ја плати својата огромна сметка, објави весникот „Индијан Експрес“ (Indian Express).
Според весникот, Анкуш Дута поминал 603 ноќевања во хотелот „Розит Хаус“ (Roseate House) во близина на меѓународниот аеродром во главниот град, а неговата сметка достигнала над 5,8 милиони индиски рупии (71.000 долари) пред да си замине во јануари 2021 година.
Големата неплатена сметка излегла на виделина дури подоцна кога биле проверени записите. Одборот на хотелот повикал полиција и поднел жалба против гостинот, менаџерот на рецепцијата и неколку други членови на персоналот кои биле обвинети дека му помогнале да избегне плаќање.
Во жалбата се вели дека персоналот во хотелот „наводно фалсификувал и избришал голем број записи на сметката на споменатиот гостин“, објави весникот.
Хотелот не одговори веднаш на барањето на „Блумберг Њјуз“ (Bloomberg News) за повеќе информации за овој случај.
.webp){kind=icon}
