Минатата зима Парк Сити во Јута стана комплетна спротивност на луксузот. Популарниот планински град, познат по обилни снежни врнежи и широки падини, стана синоним за штрајкови на спасувачите, оперативни неуспеси и долги редици до врвот на планината.
Сент Мориц во Швајцарија, кој неодамна стана дел од мрежата на „Икон пас“, одеднаш стана место за собирање американски туристи со ограничен буџет. Во меѓувреме јапонските скијачки центри, кои до неодамна им изгледаа како далечни авантури на повеќето скијачи, во 2024 година, како што вели извршниот директор на „Ски“ (Ski.com), Ден Шерман, станаа „мејнстрим“.
Сето ова го поставува прашањето: Што претставува луксузно скијање денес?
Прочитај повеќе
Мал часовник, голема стилска изјава
Од винтиџ стандардите до „картие“ и „тудор“, трендот во часовничарството покажува дека машкоста денес повеќе не се мери според големината на часовникот, туку според неговиот карактер и дизајн.
13.11.2025
Кој саем го посетија 50.000 луѓе за три дена?
ВТМ во Лондон ги обединува влијателните туристички лидери, купувачите и реномираните туристички компании за да разменуваат идеи, да поттикнуваат иновации и да ја обликуваат иднината на туристичката индустрија.
07.11.2025
Белешки од Прованса: Горд е рај за оние што бараат смисла надвор од канцеларијата
Ако ви се допаѓа филмот „Добра година“, во кој Расел Кроу наследува лозје во Прованса и одлучува да го напушти корпоративниот свет, имајте го предвид Горд - место каде што сè повеќе луѓе го заменуваат стресот од деловниот живот со вино, сонце и спокојство на југот од Франција. Еве зошто...
01.11.2025
Може ли параглајдерството да лансира елитен туризам во Крушево
Крушево се етаблира и како препознатлива и посакувана одржлива локација.
01.11.2025
Велнес во авион - како да останете одморени и негувани дури и при долги летови
Д-р Барбара Штурм, германска експертка за нега на кожа и основачка на истоимената луксузна линија, ги открива тајните како да излезете од авион и да изгледате поубаво и посвежо отколку кога сте полетале - дури и по долг лет.
17.10.2025
Зошто Мадрид станува еден од најинтересните европски градови за храна
Од „минималистички јадења“ до рибни таверни и тапас-барови во кои сметката ретко надминува 20 евра, Мадрид се позиционира како водечка европска гастрономска дестинација.
18.10.2025
Патување од 40.000 долари што го менува животот: Зошто расте бројот на агенти за луксузен одмор?
Во последните три години бројот на луѓе што на Линкдин се претставуваат како туристички агенти или советници за луксузен одмор се зголемил за повеќе од 50 проценти, што ја прави петта најбрзорастечка професија во тој период.
18.10.2025
Дали се тоа вибрациите и атмосферата, случувањата и активностите по скијањето, декадентното сместување и храната, или можеби батлерот што ги грее вашите чизми пред да се качите на падините?
За повеќето скијачи сето тоа бледнее во споредба со возбудата од физичката авантура и мирот на природата, кои се сè потешко достапни.
Очекувајте тој тренд да продолжи.
Бидејќи сопствениците на мегапас-карти (билети што се купуваат сезонски и со кои имате пристап до повеќе скијачки патеки, н.з.) ги преплавуваат речиси сите места за одмор во светот, а откако „Икон“ (Ikon) додаде девет нови одморалишта во Азија, а „Инди пас“ (Indy Pass) уште 43 за сезоната 2025-2026, наоѓањето планина без метеж станува сè потешко.
Но осаменоста и мирот сè уште постојат, како што неодамна открив во Монтафон, Австрија. Понекогаш се наоѓаат во помали, семејни одморалишта, а понекогаш значат да се тргнете од обележаните патеки - на пространи терени каде што метежот исчезнува и секој свиок е посебно доживување.
На овие места честопати им недостигаат луксузни погодности, но нудат нешто друго - автентичност и душа: мали пансиони, домашно приготвена храна и падини што изгледаат природно, а не дизајнирано. Во време кога Аспен и Куршевел привлекуваат повеќе луѓе поради нивната социјална сцена отколку поради нивниот снег, овие пет планини се издвојуваат токму затоа што не го прават тоа: метеж, снобизам и маркетинг.
Танигавадаке, Тенџиндаи, Јапонија
Јапонското скијање на прашкест снег е широко познато, но Танигавадаке (Tanigawadake: на јапонски dake значи врв или планина, па оригиналниот превод би бил планината Танигава) сè уште поминува преку радарот. Сместен неколку часа северно од Токио, овој мал скијачки центар е составен од остри врвови и отворени шуми, кои се хранат од снежните бури од Јапонско Море. Има само неколку жичници, но вистинската авантура започнува зад ски-оградите - каде што скијачите пешачат до отворени долини и стрмни падини, кои повеќе личат на Алјаска отколку на Хоншу. Нема гламур, нема метеж, само стар ски-лифт, неколку љубители на снег и некои од најдлабоките снежни наноси во земјата.
Цена на дневна карта: од 9.000 јени (околу 59 долари)
Каде да престојувате и да јадете: „Тенџин лоџ“ - на неколку минути од подножјето на планината, нуди едноставни удобни соби и водени тури низ природата. Гостите вечераат заедно, ориз со кари или мисо хот пот покрај шпоретот на дрва во лобито.
Сент Фој Тарентез, Франција
На француските Алпи, веднаш до модерните Вал д’Изер и Тињ, се наоѓа планина што мегаодморалиштата некако ја заборавиле. Сент Фој има само четири жичници, една главна улица и лојална база на скијачи што се воодушевуваат од неговите бескрајни недопрени шумски патеки со прашкест снег.
Додека неговите соседи наплаќаат 20 евра за еспресо и се фалат со модерни затворени лифтови, Сент Фој сè уште има жичници што крцкаат и се од 1990-тите и ресторани што изгледаат како да се од друго време. Месното население знае дека зад оградите лежат огромни простори што никогаш не се целосно истражени.
Цена за дневна карта: од 28 евра
Каде да престојувате и да вечерате: Хотел „Ле Монал“, десет минути од патеките - семеен хотел со поглед на патеките, вински бар и ресторан што служи савојски класици како фонду, тартифлет и крут о фромаж.
За вечера, пробајте „Ше Мери“ во блиското село Ле Мироар - раклет и тартифлет покрај камениот камин.
Скијачки центар Гулмарг, Кашмир
Сместен на Хималаите, Гулмарг изгледа како да скијате на друга планета.
Две гондоли - од кои втората се искачува на речиси 4.000 метри надморска височина - ги спуштаат скијачите на широки, отворени падини покриени со лесен сув снег. Нема активности по скијањето (après-ski), нема бутици или уредени падини, но чувството за авантура е неспоредливо.
Ова е дестинација за оние со висока толеранција на ризик: конфликтите на индиско-пакистанската граница доведоа до предупредувања за патниците, но самата планина и околните села се генерално безбедни и изолирани.
Голем дел од теренот не е заштитен од лавини, па затоа локалните водичи се неопходни.
Награда: поглед на хималајските врвови и, ако имате среќа, средба со снежен леопард.
Цена на дневна карта: од 25 долари
Каде да престојувате и да вечерате: „Кајбер Хималајен ресорт енд спа“ (The Khyber Himalayan Resort & Spа) - модерен хотел со базен и спа-центар. За повеќе атмосфера, хотелот „Хајлендс парк“ се наоѓа во стара колонијална палата, со дрвени ѕидови и бар во кој се служат традиционални кашмирски кари и ќебапи.
Магична Планина, Вермонт
Магичната Планина е спротивност на комерцијализираниот источен брег на Америка - независен скијачки центар што изгледа како да е замрзнат во 1970-тите (на најдобар можен начин). Заборавете на луксузните ложи и модерната кујна - ова место привлекува мала заедница скијачи што ги сакаат стрмни шумски патеки, пиво и другарство. Лифтовите крцкаат, но патеките нудат некои од најдобрите старомодни скијачки патеки во Нова Англија.
Кога ќе падне еден метар снег, ќе заборавите на мегапасите.
Еднодневни карти: почнувајќи од 119 долари
Каде да престојувате и да јадете: На планината, „Блек лајн таверн“ (Black Line Tavern) - бургери, начоси, крафт пива и музика во живо за време на викендите. Во градот, локалот „Њу американ грил“ (New American Grill) нуди обилни оброци, додека Перу е дом на „Сисо лоџ“ (Seesaw’s Lodge), со своите луксузни колиба-ресторани во кои се служи сè, од тиква до школки.
Касл Маунтин, Алберта
Во провинцијата во која доминира раздвижениот Банф, Касл Маунтин останува најдобро чуваната тајна на Алберта. Сместена на работ на континенталната раскрсница, оваа планина е голема, стрмна и прекрасно нескротена. Месното население вози со часови за да стигне тука - и е наградено со чист сув снег и недопрени патеки.
Недостигот од инфраструктура значи малку луѓе: едно ноќевање, бар со билјард-маса - и тоа е речиси сè.
Но, кога се лизгате низ снег длабок до градите без друг скијач на повидок, се чувствувате како да сте го пронашле последниот вистински скијачки рај во Канада.
Цена на дневна карта: од 104 долари
Каде да престојувате и да јадете: „Касл Маунтин ски лоџ и хостел“ - на неколку чекори од лифтовите, со сауна, заедничка кујна и опрема. Кога станува збор за храна, „Т-бар паб и груб“ служи бургери и путин.
.webp){kind=icon}
