text size
Разладениот шампањ и кавијарот ве чекаат, се разбира, а за багажот не мора да се грижите. Розовите софи со мотиви на палми му даваат на просторот препознатлив стил на Мајами, а лежалките покрај базенот нудат мир далеку од аеродромскиот метеж.
Приватен салон само за вас/Alfonso Duran/Bloomberg
Од приватниот апартман со тераса патниците можат да нарачаат крокети и кубанска панцанела, но и да побараат масажа, маникир или потстрижување. Кога ќе дојде време за качување во авионот, ги чека возач со БМВ, кој ги вози преку пистата директно до комерцијалниот авион на Меѓународниот аеродром во Мајами.
Возило БМВ со кое членовите се превезуваат до авионот/Alfonso Duran/Bloomberg
Со други зборови, сите погодности на приватен лет, но без приватен авион.
Авионскиот сообраќај никогаш не бил поинтензивен, со долги редици на безбедносните контроли, преполни терминали и преполни ВИП-салони. Затоа некои патници се подготвени да платат повеќе од 5.000 долари за пристап до приватен терминал и така да го избегнат вообичаениот аеродромски метеж.
Sofe za odmor pored bazena na aerodromu u Majamiju | Alfonso Duran/Bloomberg
Компанијата „ПС“ (PS) моментално управува со сите четири приватни терминали од овој тип во САД. Во последните месеци го прошири работењето во Мајами и Далас, покрај постојните локации во Лос Анџелес и Атланта. Слични терминали планираат и аеродромите во Сан Франциско и Вашингтон.
Приватниот терминал како нова категорија патувања
На повеќето патници би им било тешко да оправдаат дополнителен трошок од илјадници долари покрај цената на авионскиот билет. Сепак, аеродромите сметаат дека постои побарувачка меѓу поимотните патници кои сакаат приватност и да заштедат време, но не се доволно богати за да имаат сопствен приватен авион.
Приватните терминали истовремено им носат дополнителни приходи на аеродромите преку долгорочен закуп и поделба на приходите со компаниите што управуваат со тие простори.
Приватен апартман/Alfonso Duran/Bloomberg
Годишното членство во „ПС“ чини 4.850 долари, а секоја посета се плаќа дополнително. Престојот во заедничкиот салон чини 895 долари по лице, а приватен апартман за најмногу четири лица чини 3.650 долари.
Патниците што не се членови можат да платат 1.295 долари по лице за престој во салонот, но мора да бидат на листа на чекање и можат да добијат место само ако тој ден има слободни места.
Дали би сакале да полетате после ова?/Alfonso Duran/Bloomberg
Храната, пијалаците и повеќето услуги се вклучени во цената, иако се очекува напојница.
Шапањ, масажа и БМВ до писта
Членовите на „ПС“ не поминуваат низ главниот терминал. При поаѓање имаат посебна безбедносна контрола, а патниците што пристигнуваат во САД можат да поминат низ посебна контрола на американската царинска и гранична служба.
Во салоните има храна и пијалаци, а приватните апартмани имаат бањи со тушеви. На гостите им се достапни и производи за нега на кожата, козметика и други подароци.
Alfonso Duran/Bloomberg
За семејствата, персоналот може да подготви детски книги и пелени, како и вкусни награди за домашните миленици.
Американските аеродроми се обидуваат да го стигнат остатокот од светот, каде што приватните терминали постојат со години. Аеродромот во Минхен, на пример, нуди пивска градина со поглед кон Баварските Алпи, а Истанбул има ВИП-услуги со вино и пури.
Врвна козметика и сè што ви треба за патувањето е подготвено/Alfonso Duran/Bloomberg
Во Сао Паоло пред неколку години беше отворен првиот приватен луксузен терминал во Латинска Америка, чија изградба чинеше околу 20 милиони долари..
Нов извор на приходи за аеродромите
По финансиските удари по 11 септември и пандемијата на коронавирусот, аеродромите почнаа да бараат начини да ја намалат зависноста од приходите поврзани со авиокомпаниите.
Без чекање во ред: посебна зона за царинска и гранична контрола за членовите на „ПС“ во приватниот терминал/Alfonso Duran/Bloomberg
Приходите од продавниците, паркинзите, рестораните и недвижностите денес сочинуваат значителен дел од вкупните приходи на аеродромите, па приватните терминали се уште еден начин за заработка од патниците што се подготвени да платат повеќе.
Аеродромот Далес во Вашингтон доби зелено светло за изградба на приватен терминал, а договорот вреден 125 милиони долари ѝ беше доделен на ирската компанија „даа Интернешенел“ (daa International). Планирано е објектот да биде изграден на парцела од околу 51.000 квадратни стапки.
Бар во заедничкиот простор на приватниот терминал |Alfonso Duran/Bloomberg
И аеродромот во Сан Франциско бара компанија што ќе изгради приватен терминал и ќе управува со него. Отворањето е планирано за крајот на 2028 година.
Бесплатни козметички производи/Alfonso Duran/Bloomberg
Време, приватност и мконтрола - нов луксуз
Според истражувањето на компанијата „Ерпорт дименшнс“ (Airport Dimensions) од 2026 година, богатите туристи сочинуваат 26 отсто од патниците во светот, но на нив отпаѓаат 57 отсто од пријавената потрошувачка на аеродромите. Од 11.000 испитани патници, 62 отсто рекле дека би биле подготвени да платат за дополнителни услуги, како пристап до салони, забрзана гранична и безбедносна контрола и премиум продавници.
Како приватен хотел: просторот во кој влегуваат патниците во приватниот терминал/Alfonso Duran/Bloomberg
„Дефиницијата за луксуз многу се промени. Сега таа е многу повеќе поврзана со времето, приватноста, сигурноста и контролата“, рече Амина Белуиздад Портер, извршна директорка на компанијата „ПС“.
Соба за масажа/Alfonso Duran/Bloomberg
Истовремено, ваквиот модел предизвикува критики од патници кои сметаат дека аеродромите треба да го подобрат искуството за сите, а не само за оние што можат да платат големи суми.
Компанијата „ПС“ се опишува себеси како „трета категорија“ меѓу комерцијалниот и приватниот авиосообраќај. Бројот на нејзините клиенти минатата година пораснал за 21 отсто, на повеќе од 89.000 корисници во Лос Анџелес, Атланта, Далас-Форт Ворт и Мајами.
За сè поголем број патници, се чини дека луксузот на аеродромот веќе не се сведува само на удобност, туку пред сè на тоа колку се подготвени да платат за да не чекаат во ред.
.webp){kind=icon}
