Група инвеститори што ги советува Маверик Картер, бизнис-партнерот на ѕвездата на Лос Анџелес Лејкерс, Леброн Џејмс, се обидуваат да соберат пет милијарди долари од приватни извори на капитал за да формираат меѓународна кошаркарска лига што ќе ѝ биде ривал на Националната кошаркарска асоцијација (НБА), информираат луѓе запознаени со ова прашање.
Веќе се преговарало со УБС (UBS Group AG) и „Евркор“ (Evercore Inc.) за да помогнат во собирањето на финансиските средства, кои може да доаѓаат од богати поединци и институционални инвеститори, како што се државните фондови, велат луѓето,, кои побараа да не бидат идентификувани бидејќи информациите се приватни.
Меѓу другите поддржувачи на идејата се коосновачот на Скајп (Skype), Џеф Прентис, поранешниот извршен директор на Фејсбук (Facebook), Грејди Барнет, и инвестициската компанија „СЦ холдингс“ (SC Holdings), која ја предводат коосновачите Џејсон Стајн и Даниел Хаимовиќ.
Прочитај повеќе
Дали би го гледале анимираниот Новак Ѓоковиќ на Австралија опен?
Тенисерите на Австралија опен добиваат свои анимирани верзии, кои може да ги гледате на Јутјуб.
16.01.2025
Нė очекува година на тектонски поместувања во спортот, фудбалот е особено на удар
Непарните години во спортот обично се помалку интересни од парните, но 2025 година може да биде сосема поинаква.
06.01.2025
Како да купам спортски клуб во Македонија и во регионот?
Веројатно прв инвеститорски избор во спортски клуб во Адрија би била Хрватска, а по неа на нашиот совршен „индекс на водење бизнис во спортот“ би биле Словенија и Македонија.
07.01.2025
Златна треска го обележи спортот во 2024 година: Кој заработи најмногу?
Во 2024 година големите натпреварувања создадоа сериозен економски импакт за организаторите, лигите и клубовите, а некои урнаа и бизнис-рекорди.
18.12.2024
Претставниците на „Картер“ (Carter), УБС, „СЦ холдингс“, „Прентис“ (Prentice) и „Барнет“ (Burnett) одбија да коментираат, а „Евркор“ не одговори на барањето за коментар.
Замислено е лигата да се состои од шест машки и шест женски екипи, а натпреварите би се одржувале во осум града низ светот, со по две недели во секој град, велат луѓето. Глобалната ротација е моделирана по сличен распоред како тој на трките во Формула 1, а Сингапур е една од опциите каде што би се играле мечеви.
Поддржувачите на новата кошаркарска лига се соочуваат со значителни предизвици. Другите стартапи, како тие што се обидуваат да се натпреваруваат со НФЛ, како и домашните кошаркарски лиги во Европа и во Азија, досега се мачеа да се пробијат во натпреварувањата со најголемите и најпознати лиги.
Овој потег доаѓа по враќањето на НБА-лигата во Кина по неколкугодишно отсуство, што повторно го разгорува интересот за оваа игра во втората по големина економија во светот. Таа вкоренета популарност значи дека ќе биде тешко за која било нова лига да се натпреварува за времето на емитување.
Откако во 2019 година наиде на проблеми со кинеската влада, НБА ја туркаше својата меѓународна експанзија на други места.
НБА размислува да отвори регионална канцеларија на Блискиот Исток, една од ретките области во кои нема присуство на терен, објави „Блумберг њуз“ (Bloomberg News).
Сепак, пазарот се шири. Спортскиот пренос во живо рапидно расте, особено низ Азија, каде што локалните играчи трошат на лиценците за западните лиги, вклучувајќи и за бејзбол-лигата и англиската Премиер-лига.
НБА и МЛБ настојуваат да ја искористат својата популарност во Азија со ревијални натпревари. Фудбалските клубови исто така ги зголемуваат своите меѓународни натпревари, додека Националната фудбалска лига има сè повеќе серии натпревари што се играат надвор од САД.
.webp){kind=icon}