Во најдобрите 20 фудбалски клуба според приходите се наоѓаат дури девет англиски клуба, три шпански, три француски и три италијански клуба и само два германски. Ова друштво секоја година го селектира „Дилојт“ (Deloitte) во својата фудбалска парична лига (Football Money League), а најновото издание нуди некои многу интересни трендови.
Минатата сезона влезе во историјата како прва во која еден клуб, Реал Мадрид, оствари приход од над една милијарда евра. Финансискиот раст на „кралевите“ се заснова на реновираниот и проширен стадион „Сантијаго Бернабеу“, кој донесе значително зголемување на приходите од билетите и комерцијалните активности во споредба со претходната сезона.
Зад Реал е редовната листа на „осомничени“. Во првите пет се два клуба од Манчестер, ПСЖ и Баерн. Милан е изненадувачки најбогатиот италијански клуб, а прв под линијата е Брајтон. „Манибол“ (Moneyball) очигледно доаѓа во голем стил.
Прочитај повеќе
Саудијците открија зошто вложуваат во спортот: Отпорен е на кризи
Спортот е одличен генератор на развој на туризмот, а за разлика од многу други сектори, тој е отпорен на кризи.
25.01.2025
Како ВИ го менува начинот на кој следиме спорт: Австралија опен нуди добри примери
Австралија опен 2025 постави нови стандарди за тоа како спортот може да се претстави пред глобалната публика.
22.01.2025
Инвеститори собираат пет милијарди долари за ривалска лига на НБА
Група инвеститори што ги советува Маверик Картер, бизнис-партнерот на ѕвездата Леброн Џејмс, сакаат да формираат меѓународна кошаркарска лига што ќе ѝ биде ривал на НБА.
17.01.2025
Манибол во фудбалот и на берзата: Како да најдете скриени дијаманти
Големите умови размислуваат слично е изрека што би можеле да ја трансформираме и да кажеме дека големите стратегии носат победи на различни терени.
01.01.2025
Нė очекува година на тектонски поместувања во спортот, фудбалот е особено на удар
Непарните години во спортот обично се помалку интересни од парните, но 2025 година може да биде сосема поинаква.
06.01.2025
Како да купам спортски клуб во Македонија и во регионот?
Веројатно прв инвеститорски избор во спортски клуб во Адрија би била Хрватска, а по неа на нашиот совршен „индекс на водење бизнис во спортот“ би биле Словенија и Македонија.
07.01.2025
Дваесетте клуба со најголеми приходи во фудбалот /„Дилојт“ (Deloitte)
Во сезоната 2023/2024 еден просечен клуб од паричната лига (Money League) оствари приход од 560 милиони евра. Од нив, 244 милиони евра (44 проценти) се комерцијални приходи, 213 милиони евра (38 проценти) се приходи од ТВ-права и 103 милиони евра (18 проценти) се приходи остварени на денот на натпреварот.
Најбрзорастечки извор на приходи е тој што доаѓа на денот на натпреварот (каде што се забележува зголемување од 11 проценти), што се должи на зголемувањето на капацитетот на стадионите, цените на билетите и премиум понудите на стадионите.
Приоритет за модернизација на стадионите
Со комерцијални приходи од 4,9 милијарди евра, комерцијалниот сегмент остана најголем извор на приход за клубовите од паричната лига, и тоа веќе втора година по ред. Тие претставуваат 44 отсто од вкупните приходи. Зголемувањето од десет проценти во однос на претходната година главно е резултат на зголемениот број нефудбалски настани, подобрената продажба на мало и растот на приходите од спонзорства.
Неколку фудбалски клуба беа домаќини на големи спортски настани на своите стадиони, дополнително зголемувајќи ги своите комерцијални приходи. Па така, одредени француски клубови имаа корист од Светското првенство во рагби во 2023 година, додека германските клубови профитираа од Евро 2024.
Препознавањето на потенцијалниот раст на приходите генерирани од стадионите доведе до тоа половина од клубовите од паричната лига да планираат реновирање на стадионите до 2025 година. Барселона и Манчестер сити имаат стадиони во изградба, а Манчестер јунајтед ги истражува опциите за реконструкција на „Олд Трафорд“.
Спортскиот успех ги зголемува комерцијалните приходи
Осум од набљудуваните клубови пријавија подобри перформанси во малопродажбата, истакнувајќи ја нивната способност да ги искористат вредноста на брендот и спортскиот успех за да ги зголемат комерцијалните приходи. Тоа сугерира дека клубовите сè повеќе ја преземаат контролата врз синџирот за продажба на стоки, што може да биде показател за тоа како ќе се развива бизнис-моделот на фудбалските клубови во иднина.
Приходите од ТВ-правата останаа исти како и минатата сезона, бидејќи сите пет големи лиги останаа со истите договори како и досега. Се очекува петте големи лиги да влезат во период на релативно стабилни приходи од емитување благодарение на долгорочните договори за домашни ТВ-права, кои ќе траат најмалку до 2027 година. Особено е интригантно што Премиерлигата во ноември објави планови да основа сопствена медиумска компанија, која би можела да означи еволуција на нејзиниот бизнис-модел.
Постои јасна разлика во моделите за генерирање приходи помеѓу двете половини од паричната лига во сезоната 2023/2024. За клубовите рангирани во првите десет комерцијалните приходи претставуваат доминантен извор на приход, со 48 отсто од вкупните приходи на клубовите. Спротивно на тоа, за клубовите што се рангирани од 11-то до 20-то место, клучен извор на приход се ТВ-правата, кои сочинуваат 47 отсто од нивните приходи.
.webp){kind=icon}