Извршниот директор на Баер Леверкузен, Фернандо Каро, повика на воведување меѓународен лимит на платите за фудбалерите, предупредувајќи дека финансиската доминација на англиската Премиер лига може да ја загрози Лигата на шампионите.
Премиер лигата во Англија „се обидува да стане производ број еден во Европа, дури над Европската лига на шампиони“, изјави Каро на панел-дискусија на настанот „Иднината на финансиите“, организиран од „Блумберг“ во Франкфурт. Каро нагласи дека лимитот на платите би бил ефикасен само ако се применува на меѓународно ниво и како апсолутна граница.
„Обично сум против регулации, но ова е нешто за што мислам дека мораме да се бориме“, рече тој. Баер Леверкузен е еден од водечките германски тимови, кој ја освои Бундеслигата пред две сезони. Во текот на летото, клубот ја продаде фудбалската ѕвезда Флориан Вирц на Ливерпул за пријавени 116 милиони фунти (154 милиони долари).
Прочитај повеќе
ВИ против свирчињата: Дали судиите ќе исчезнат од спортот?
Улогата на судиите во спортот поминува низ најголемата трансформација во модерната историја. Напредокот на вештачката интелигенција и следењето на податоци веќе го поставуваат прашањето — дали, и кога, технологијата целосно ќе ги истисне „делителите на правдата“ од теренот
01.10.2025
Тајните на спортскиот бизнис на „Ред бул“
Екстремните спортови остануваат јадро на идентитетот на брендот, но фокусот на бизнис-моделот сега е во сопственоста на тимовите.
28.09.2025
УЕФА сака со ЛШ да ги привлече гигантите за стриминг
УЕФА го реформирa процесот за добивање на правата за пренос на своето најважно натпреварување, Лигата на шампиони, со цел да привлече сервиси како Нетфликс и Амазон.
30.09.2025
„Армани“ и Наполи ги кршат правилата со двоцифрен број на дресови секоја сезона
Наполи во 2021 година направи потег што во фудбалскиот бизнис звучеше речиси егзотично.
24.09.2025
Премиер-лигата и неколку супер клубови: Како е урнат митот за 5-те најсилни лиги во Европа
Со години европскиот фудбал се делеше на „пет најсилни лиги“ (Англија, Шпанија, Италија, Германија и Франција) и тоа беше аналитичката рамка, утврдена категорија во која се мереше моќта на пазарот, привлечноста на ѕвездите и вредноста на ТВ-правата. Сепак, летото 2025 покажа дека таа поделба повеќе нема смисла.
19.09.2025
Во моментов, европскиот фудбал не познава строги лимити на платите, иако некои лиги имаат ограничувања на потрошувачката, а УЕФА поставува граници на трошоците на клубовите за играчки состави во однос на нивните приходи.
Финансиската разлика меѓу Премиер лигата и останатите европски лиги е очигледна. Во сезоната 2023/24, клубовите од Премиер лигата оствариле вкупен приход поголем од 7,1 милијарда евра, според извештајот на УЕФА. За споредба, клубовите од Бундеслигата вкупно забележале околу 3,6 милијарди евра приходи.
Иља Каенциг, извршен директор на Бохум, германски второлигаш, сугерираше дека германското правило „50+1“, кое им дава право на глас на локалните навивачки групи и компании, а истовремено ги ограничува странските инвестиции, би можело да се укине во иднина.
Каенциг смета дека, иако моментално продажбата на мнозински удел на инвеститори е непопуларна меѓу навивачите, тој став би можел да се промени кај помладите генерации, кои помалку се приврзани за традиционалната структура.
.webp){kind=icon}
Во моментов нема коментари за веста. Биди прв да коментира...