Националната хокеарска лига (НХЛ) потпиша повеќегодишни договори со „Калши“ и „Полимаркет“, станувајќи првата голема американска спортска лига што се согласи да соработува со платформи за предвидување на исходот на настаните. Стартап компаниите сега имаат право да користат логоа и трговски марки на НХЛ на своите платформи, објави лигата во среда.
Двете компании ќе имаат корист од истакната видливост на екранот за време на националните преноси, вклучувајќи ги плејофот за Стенли Купот и Зимскиот класик. Овој потег е значаен чекор кон пошироко прифаќање на пазарите за предвизување, кои долго време функционираат во сива зона помеѓу финансиското тргување и коцкањето. „Калши“ и „Полимаркет“ им овозможуваат на корисниците да купуваат и продаваат договори поврзани со исходот на настаните, вклучувајќи спортски резултати, под надзор на Комисијата за тргување со стоковни фјучерси на САД (CFTC), дозволувајќи им да работат во сите 50 држави, а не само во оние каде што спортското обложување е легално.
Иако „Калши“ и „Полимаркет“ нудат облози на различни спортови, тие обично не ги користат официјалните имиња на лигата. Националната кошаркарска асоцијација (НБА) и Главната лига на бејзбол (MLB) претходно се обратија до CFTC поради загриженост во врска со растот на пазарот за предвидување на спортско обложување.
Прочитај повеќе
Дури 71 отсто од онлајн искоцканите пари во Европа лани завршиле кај нелегални сајтови
Нелегалните оператори за коцкање минатата година освоија 71 отсто од европскиот пазар за онлајн обложување и казина, или 80,65 милијарди евра.
26.08.2025
Партнерството со НХЛ доаѓа во време кога традиционалните оператори за спортско обложување како „Драфт Кингс“ (DraftKings), „Фан Дуел“ (FanDuel) и „Бет МГМ“ (BetMGM) се соочуваат со зголемена конкуренција од берзите регулирани од CFTC. „Калши“ забележа рекорден обем на тргување, потпомогнат од неодамнешното партнерство со брокерската куќа „Робин Худ“ (Robinhood). Во истиот период, акциите на големите спортски обложувалници значително паднаа. Во вторникот, „Драфт Кингс“ објави дека го купува „Реилбрд“ (Railbird), која поседува лиценца за берза од CFTC, позиционирајќи се да се натпреварува директно со новите платформи за предвидување и берзите на Волстрит кои го истражуваат истиот простор
Брзата експанзија на пазарот на предвидувања предизвика загриженост кај државните регулатори за коцкање и групите казина, кои велат дека платформите ги заобиколуваат локалните закони за обложување. „Партнерството во НХЛ е значајна пресвртница за ‚Калши‘ и индустријата“, изјави Тарек Мансур, извршен директор на „Калши“. „Сега треба да биде јасно дека пазарите за предвидување се тука за да останат.“
.webp){kind=icon}
