ЕУ влезе во трката за развој на вештачка интелигенција (ВИ) и најави борба со велесилите Кина и САД.
Претседателката на Европската комисија, Урсула фон дер Лајен, на акцискиот самит за вештачка интелигенција во Париз ја претстави иницијативата „Инвест еј-ај“ (InvestAI) за мобилизација на 200 милијарди евра за инвестиции во вештачка интелигенција, вклучувајќи нов европски фонд од 20 милијарди евра за „гигафабрики за вештачка интелигенција“.
Пари се очекуваат и од приватниот сектор
Оваа голема инфраструктура е потребна за „отворен соработувачки развој на најкомплексните модели за вештачка интелигенција и за Европа да стане континент на вештачка интелигенција“, соопштија од Европската комисија.
Прочитај повеќе
Маск најави нов модел на ВИ: Понекогаш ми се чини дека Грок 3 е застрашувачки паметен
Илон Маск на самит во Дубаи го најави излегувањето на моделот Грок 3 наскоро, кој треба да ја надмине конкуренцијата.
13.02.2025
Вештачка интелигенција во регионот - едни предводат, други фаќаат чекор
Србија инвестира во суперкомпјутер, Македонија ги усогласува регулативите со ЕУ, додека Франција ги предводи европските инвестиции во вештачката интелигенција.
13.02.2025
Вртоглави милијарди во вештачката интелигенција: Во кои акции вреди да се инвестира?
Технолошките гиганти годинава кумулативно ќе инвестираат 325 милијарди долари во развој на вештачка интелигенција, додека Европа ќе инвестира 200 милијарди долари.
13.02.2025
Парите ќе се соберат преку јавно-приватно партнерство, слично на европската соработка во истражувањата во проектот ЦЕРН, рече претседателката на комисијата. Целта е „Европа да стане континент на вештачка интелигенција“, рече Урсула фон дер Лајен.
Поддршка за инвестиции во ВИ најави и претседателката на Европската инвестициска банка, Надја Калвињо.
Новите „гигафабрики за вештачка интелигенција“ ќе имаат околу сто илјади чипа за вештачка интелигенција од последната генерација, што е околу четири пати повеќе отколку во фабриките за вештачка интелигенција што се воспоставуваат сега, соопштија од Европската комисија.
Пристап до компјутери и за помалите компании
Гигафабриките во рамките на програмата „Инвест еј-ај“ „ќе бидат најголемото јавно-приватно партнерство во светот за развој на доверлива вештачка интелигенција“. Тие ќе му служат на европскиот модел на соработувачки и отворени иновации, со фокус на комплексни индустриски и критични апликации.
Новите гигафабрики за вештачка интелигенција ќе бидат специјализирани за обука на најсложените модели на вештачка интелигенција за пробив во области како што се медицината или науката.
Целта на проектот е секоја компанија, не само најголемите играчи, да има пристап до обемна компјутерска моќ „за градење на иднината“.
Французите веќе го предизвикаа ЧетГПТ
Францускиот стартап „Мистрал“ (Mistral AI) со новата верзија на асистентот Ле Чет (Le Chat), со поголем капацитет, поширока достапност и дополнителни функционалности, сака да ја зајакне својата позиција во трката со „Опен еј-ај“ (OpenAI) и „Гугл“ (Google).
Милијардни инвестиции во вештачка интелигенција на самитот во Париз најави и францускиот претседател Емануел Макрон.
.
.webp){kind=icon}
