.webp){kind=icon}
Белата куќа соопшти дека внимателно го следи колапсот на империјата на дигитални средства FTX, наведувајќи го нејзиното барање за стечај како доказ дека индустријата за криптовалути има потреба од строга регулатива.
Белата куќа и другите државни агенции ја следат ситуацијата, велат претставници на власта, додавајќи дека Американците ризикуваат и натаму да губат пари ако не постои соодветен надзор над криптовалутите.
Барањето за стечај на Alameda Research Ltd. и поврзаните компании -- вклучувајќи ги FTX.com и FTX US -- дополнително ја зголемија загриженоста, вели извор од американската администрација.
Овонеделниот колапс на FTX - една од најголемите светски берзи за дигитални средства - нанесе уште еден удар на индустријата за криптовалути, која доживеа сериозна нестабилност и банкротства на други компании од висок профил, вклучително и Celsius Network Ltd. и Voyager Digital Ltd. Само VTX минатата година пријави повеќе од пет милиони корисници ширум светот и повеќе од 700 милијарди долари вредност на тргување со криптовалути.
Комисијата за хартии од вредност и Комисијата за тргување со фјучерси на стоки истражуваат дали FTX присвоил средства на клиентите, велат добро информирани извори.
