„Хуавеј“ со новите чипови го стигнува „Епл“ на кинескиот пазар

Најновите паметни телефони на „Хуавеј“ (Huawei Technologies Co.) имаат надградена верзија на процесори произведени во Кина, откриена минатата година, покажа независна анализа, што ја нагласува способноста на кинеската компанија сепак да продолжи да го произведува „контроверзниот“ чип.

Потсетуваме дека во март администрацијата на Џо Бајден размислуваше за ставање на црната листа на голем број кинески компании за чипови - поврзани со „Хуавеј“ - откако таа компанија постигна значителен технолошки напредок во 2023 година.

Неодамна претставената линија на телефони „пјура 70“ (со која „Хуавеј“ врши дополнителен притисок врз „Епл“) има процесор Кирин 9010 (Kirin 9010), откри „Текинсајтс“ (TechInsights Inc.) при расклопување на уредот. Тоа е всушност понова верзија на Кирин 9000 направен од СМИЦ (Semiconductor Manufacturing International Corp. / SMIC) за линијата „мејт 60 про“.

Овој потфат на „Хуавеј“ ги вознемири официјалните лица во Вашингтон, кои мислеа дека чип од 7 нанометри е надвор од можностите на кинеското производство.

„Епл“ падна на третата позиција во Кина во првиот квартал Bloomberg Mercury

Јасно е дека „Хуавеј“, уште од дебито на „мејт“ во август, ужива да ги поместува своите граници за да направи софистицирани полупроводници, и покрај ескалацијата на забраните за извоз на технологија од САД.

Патем, серијата „пјура 70“ е распродадена во рок од два дена од нејзиното лансирање, според аналитичарите од банката „Џефрис“ (Jefferies), предводени од Едисон Ли.

Американските функционери сега размислуваат за дополнителни санкции, чија цел е пошироко да ги ограничат амбициите за чипови на компанијата и Кина. „Текинсајтс“, кој прв ги идентификува оригиналните процесори 9000 во соработка со „Блумберг њуз“, рече дека „многу самоуверено“ тврди дека „пјура“ располага со Кирин 9010, произведен со т.н. седумнанометарски 7nm N+2 процес на СМИЦ. Тоа е всушност подобрена верзија на класичниот чип од 7 нанометри.

Претходно позната само како P, линијата „пјура“ традиционално се продаваше врз основа на способноста на камерата на телефоните. Обезбедувањето на нова опција за домашните корисници би можело да изврши дополнителен притисок врз ајфон (iPhone), кој треба да биде надграден до септември.

„'Хуавеј' веројатно ќе забележи зголемување на уделот на пазарот пред т.н. шопинг-фестивал на 18 јуни“, посочија од „Џефрис“. За компанијата тоа е уште еден чекор кон обнова на секторот на стоки за широка потрошувачка, кој беше задушен со санкции за време на мандатот на Доналд Трамп.

„Хуавеј“ беше приближно на исто ниво со „Епл“ (Apple Inc.) во однос на уделот на кинескиот пазар во првиот квартал, што го нагласува и многу помалото пазарно присуство на ајфон во Кина во однос на претходните месеци и првиот квартал од 2023 година.

Во моментов нема коментари за веста. Биди прв да коментира...

Остави коментар