„Хуавеј“ планира в година целосно да го исфрли Андроид од гаџетите

Од „Хуавеј“ (Huawei Technologies Co.) соопштија дека од следната година нивните нови паметни телефони и таблети ќе работат на оперативен систем без технологијата на Андроид (Android), со отворен код на „Гугл“ (Google).

Новиот водечки телефон на компанијата, „мејт 70“ (Mate 70), ќе дебитира со оперативниот систем Хармони некст (HarmonyOS Next), со кој ќе ги отстрани остатоците од Андроид во корист на целосно автохтона технологија. Најавени денеска, новите уреди и софтвер се додаваат на кампањата на „Хуавеј“ за враќање на кинеското премиум ниво од „Епл“ (Apple Inc.) и изградба на екосистем без учество на големи американски доставувачи на технологија.

Достапен почнувајќи од 4 декември, „мејт 70“ и неговите варијанти про се продолжение на најзначајниот уред на „Хуавеј“ во последните неколку години - „мејт 60“ (Mate 60). Минатогодишното издание, напојувано со процесор направен во Кина, го врати „Хуавеј“ во центарот на вниманието на индустријата за паметни телефони и ја сигнализира неговата способност да ги заобиколи американските трговски ограничувања осмислени за да го отсечат од најнапредното производство на чипови.

„На Хармони некст ќе му требаат уште два-три месеци за да го подобри своето корисничко искуство, но планот е веднаш да почне да се користи на гаџетите што допрва ќе се лансираат“, изјави Ричард Ју, извршен директор на „Хуавеј“ за деловни корисници.

Серијата „мејт 70“, со цена што почнува од 760 долари за 6,7-инчното издание, ќе понуди за 40 проценти подобри перформанси од својот претходник, делумно поради оперативниот систем Хармони некст, изјави извршниот директор Ју, кој не откри детали за процесорите што ги напојуваат телефоните.

Воведувањето на новиот оперативен систем од страна на „Хуавеј“, чие седиште е во Шенжен, е клучен дел од жестокиот обид на компанијата да се ослободи од долгогодишните американски санкции.

И покрај црната листа на Вашингтон и техничките предизвици, „Хуавеј“ успеа да ја зголеми продажбата во изминатите седум квартали, со помош на проширување на бизнисот со паметни телефони. Корпоративните испораки бележат четири последователни квартали со најмалку двоцифрен раст во Кина.

„Хуавеј“ денеска најави и низа други производи во својот екосистем, вклучувајќи нов таблет и паметен позлатен часовник во вредност од 3.315 долари.