„Епл“ (Apple Inc.) го претстави најновиот модел на својот водечки уред, „ајфон 16“ (iPhone 16), надевајќи се дека ќе привлече потрошувачи со скромните хардверски подобрувања и технологија за вештачка интелигенција (ВИ), која сè уште е во развој.
Извршниот директор Тим Кук го откри паметниот телефон - заедно со новите часовници и „ерподс“ (AirPods) слушалките - на настан во понеделникот, кој беше исполнет со ветувања за вештачка интелигенција. „Ајфон 16“ е изграден со вештачка интелигенција „од самата основа“, рече тој, иако способностите ќе бидат постепено додавани преку ажурирања на софтверот.
Ова е ризик за технолошкиот гигант, кој брза да развие пакет на алатки наречен Епл интелиџенс (Apple Intelligence - AI). Иако „Епл“ ја промовираше оваа технологија уште во јуни на својата конференција за програмери, софтверот нема да биде вклучен во првите верзии на новите ајфон-уреди. Тие ќе бидат достапни за продажба од петок, а ќе пристигнат во продавниците на 20 септември.
Прочитај повеќе
„Епл“ и „Гугл“ ги загубија судските спорови со ЕУ
Судот на правдата на ЕУ во Луксембург денеска пресуди против технолошките гиганти.
10.09.2024
Највидлива новина во новиот ајфон е копчето за контрола на камерата
Најновите ајфони на „Епл“, кои беа промовирани синоќа, не се впечатливо различни од минатогодишните модели.
10.09.2024
„Ова е само почетокот“, рече шефот на софтверот во „Епл“, Крег Федериги, за време на презентацијата. Првиот сет на алатки ќе биде објавен како дел од бета-тест во октомври, додаде тој, „со повеќе функции што ќе се појават во наредните месеци.“
Како дел од настанот, „Епл“ претстави верзија на својот паметен часовник со поголем екран и можност за откривање апнеја при спиење. Исто така ја промовираше новата софтверска функција, која може да ги претвори „ерподс“ во слушни апарати.
Дебито на новиот ајфон беше во центарот на презентацијата, иако компанијата направи релативно мали промени во изгледот и хардверските карактеристики на уредот. „Ајфон 16“ и „16 плус“ (16 Plus) ќе бидат достапни во нови бои и ќе имаат приспособливо копче за акција, кое досега беше достапно само за моделите „про“. Исто така, има помоќен чип и ново копче „камера контрола“ (Camera Control), кое им овозможува на корисниците да прават фотографии и да пристапуваат до функции на камерата.
Ајфон 16 плус
Bloomberg
Новите модели „про“, пак, ќе добијат малку поголеми екрани и потенки рамки. Тие ќе работат со „А18 про“ (A18 Pro) процесор со надграден неутрален мотор - дел од чипот дизајниран за обработка на задачи поврзани со вештачката интелигенција. Телефоните имаат помоќни компоненти за камера и видеофункции, што им овозможува да снимаат фотографии со повисока резолуција и покинематски снимки.
„Епл“ се обидува да го надомести заостанувањето во светот на генеративната вештачка интелигенција, каде што технолошките компании како „Гугл“ (Google) и „Мајкрософт“ (Microsoft) веќе направија напредок. Презентацијата во понеделникот делумно беше насочена кон убедување на потрошувачите и Волстрит дека „Епл“ треба да се сфати посериозно во полето на вештачката интелигенција.
Меѓутоа, оваа технологија на компанијата од Купертино, Калифорнија, е сè уште во рана фаза. Алатките на Епл интелиџенс се соочија со голем број доцнења, а многу клучни функции нема да пристигнат до следната година. Засега, технологијата е насочена кон сумирање пораки и известувања, наместо да ги достигне извонредните способности на ривалските системи.
Акциите на „Епл“ паднаа за повеќе од 1,5 отсто за време на настанот, иако подоцна се вратија. Ваквата реакција е доста типична за презентациите на „Епл“. Повеќето нови функции се објавуваат однапред, па немаше многу изненадувања за време на презентацијата.
Презентација од извршниот директор на „Епл“, Тим Кук
Bloomberg
Вештачката интелигенција беше главна тема на настанот, кој започна во 10 часот по локално време. Компанијата се надева дека софтверот Епл интелиџенс ќе ги привлече потрошувачите да купат надградени уреди, бидејќи корисниците ќе имаат потреба од понов ајфон за да ги користат овие способности.
Епл интелиџенс ќе вклучува надграден дигитален асистент Сири (Siri) и можност за создавање персонализирани емотикони со текстуални барања. Темата на настанот „It’s Glowtime“ беше референца на новиот интерфејс на Сири.
Но голем дел од технологијата нема веднаш да биде достапен, што може да го ограничи влијанието врз продажбата на ајфони. Дури и кога Епл интелиџенс ќе биде лансиран во октомври, тоа ќе биде бета-тест - рана верзија за пољубопитните корисници.
„Ова укажува дека многу од функциите сè уште се доработуваат за да бидат пуштени и не се целосно подготвени“, посочи аналитичарот на „Имаркетер“ (eMarketer), Гаџо Севиља, во белешка. „Фокусот на безбедноста и приватноста најверојатно е причина за доцнењата на функциите.“
Основниот модел на ајфон ќе продолжи да чини 799 долари, додека моделот „плус“ (Plus) ќе биде 899 долари. „Ајфон 16 про“ (iPhone 16 Pro) е 999 долари, додека поголемиот „про макс“ (Pro Max) модел ќе чини 1.199 долари.
Епл часовник
Новиот „епл часовник“ (Apple Watch), серија 10, има 30 отсто поголем екран, со потенок дизајн. Функцијата за откривање апнеја при спиење ќе биде достапна во повеќе од 150 региони, соопшти компанијата.
Епл воч ултра 2
Bloomberg
Новиот часовник е околу 10 отсто потенок од претходната верзија. Исто така тој доаѓа во нова титаниумска изработка, поради што е полесен од моделите од алуминиум. Уредот започнува од 399 долари и ќе биде достапен на 20 септември. Најавена е и нова верзија на моделот „ултра“ (Ultra), кој ќе се продава за 799 долари и ќе биде достапен истиот ден.
Настанот вклучуваше и ажурирана верзија на стандардните „ерподс“ од 129 долари, кои сега имаат помало куќиште и полнач USB-C. Достапна ќе биде и верзија од 179 долари, среден сегмент, со функција за придушување бучава, што претходно беше достапно само на поскапите „ерподс про“ (AirPods Pro).
Компанијата претстави и нова линија од слушалките „ерподс макс“ (AirPods Max) по цена од 549 долари, во свежи бои и со полнење USB-C. Како и другите производи, и овие уреди ќе бидат пуштени на 20 септември. „Епл“ не претстави нова верзија на „ерподс про“, но воведе функции како тест за слух и можност за користење како слушен апарат. Тие функции ќе бидат достапни преку ажурирање на софтверот есенва.
Тајминг на настанот
Дебито на новите ајфони обично е најважното годишно соопштение на „Епл“. Овој уред учествува со околу половина од годишниот приход на компанијата и поттикнува дополнителни продажби во форма на додатоци и услуги.
Производителот обично не ги лансира ајфоните во понеделник, но раниот тајминг им овозможи да бидат пред настаните во вторник: се очекува претседателска дебата во САД, а треба да има и решение од Европската комисија за тоа дали „Епл“ ќе треба да плати околу 14 милијарди долари во даноци.
.webp){kind=icon}
