Паметниот телефон „мејт 60 про“ (Mate 60 Pro) од „Хуавеј“ (Huawei Technologies Co.) покажува значителен напредок во дизајнот и инженерингот на домашните редиофреквенциски (RF) чипови во Кина, според најновите наоди од истражувачката компанија „Текинасајтс“ (TechInsights).
Рачните уреди на компанијата со седиште во Шенжен вклучуваат РФ-прекинувачи од компанијата „Максенд“ (Maxscend Microelectronics Co.) и модули за засилување на моќностa од „Онмикро електроникс“ (Beijing OnMicro Electronics Co.), компоненти најчесто обезбедени од американските снабдувачи „Скајворкс“ (Skyworks Solutions Inc.) и „Корво“ (Qorvo Inc). Архитектурата е „приспособена на кинеската индустрија“ и сугерира дека имало дизајнерска соработка помеѓу „Хуавеј“ и неговите доставувачи, се наведува во објавата на „Текинасајтс“ во понеделникот.
Важно е да се напомене дека напредокот во дизајнот на чипови сугерира дека хардверот на „Хуавеј“ е способен да се натпреварува со најдобрите во светот, дури и без пристап до американските доставувачи. Чиповите со радиофреквенција управуваат во комуникацијата на паметниот телефон со базните станици што се поврзани на интернет, што е основна функција на секој уред.
Прочитај повеќе
Кина тврди дека ја има најбрзата интернет мрежа во светот
„Хуавеј“ и „Чајна мобајл“ изградија интернет мрежа од 3.000 километри што го поврзува Пекинг со југот на Кина.
15.11.2023
Двоцифрен раст на продажбата на паметните телефони на „Хуавеј“ и „Шаоми“
Кинеската мобилна индустрија е заглавена во продолжена контракција, по презаситеноста од резерви што се разви пред една година.
14.11.2023
„Хуавеј“ поттикна бум од 34 милијарди долари во Кина
Големите добивки се во спротивност со севкупната слабост на кинеските акции
14.10.2023
„Мејт 60“ предизвика возбуда кога се појави кон крајот на август со 7-нанометарски процесор за апликации, покажувајќи дека Кина има напредни производствени капацитети за полупроводници што американските трговски санкции се обидоа да ги спречат. Тоа значи дека „Хуавеј“ може да прави модерни паметни телефони без чипови од „Куалком“ (Qualcomm Inc.), а понатамошните истражувања покажуваат дека сега се бараат начини за заобиколување на важните запчаници од американската индустрија како „Скајворкс“ и „Корво“.
Процесорот од 7 нанометри е дизајниран од „Хуавеј“ и произведен од СМИЦ (Semiconductor Manufacturing International Corp.), компанија со седиште во Шангај, која сега е под истрага од американските регулатори.
.webp){kind=icon}
