.webp){kind=icon}
Паднатиот крал на криптовалутите Сем Банкмен-Фрид нема да се соочи со второ судење за дополнителни обвиненија, откако ко-основачот на FTX беше осуден за масовна измама минатиот месец, рекоа обвинителите пред судијата.
Владата во петокот објави писмо до американскиот окружен судија Луис Каплан дека во интерес на целисходноста ќе се откаже од плановите за судење на Банкмен-Фрид за заговор за поткуп на странски функционери, извршување банкарска измама и управување со нелиценциран бизнис за пренос на пари, меѓу другите обвиненија.
Банкмен-Фрид (31) беше прогласен за виновен по седум точки од обвинението за измама и заговор и се соочува со можност од една деценија затвор.
Прочитај повеќе
Ердоган назначи професорка за крипто средства во Комитетот за монетарна политика
Назначувањето на Озкул веројатно нема да го промени курсот на тековната патека на монетарната политика.
23.12.2023
Ќе го пробие ли биткоинот плафонот во 2024-та?
Доколку се тргне од тоа како стојат работите на крајот од годината, може да се заклучи дека оваа класа на средства жилаво им одолева на предизвиците.
29.12.2023
Хакерите годинава украдоа 1,7 милијарди долари од криптопроекти
Износот на средства што криптопроектите ги загубија од хакерите досега оваа година се намали за околу половина.
16.12.2023
Необична соработка помеѓу „Бајненс“ и СЕЦ поставува темели за регулација
Регулаторот и берзата за криптовалути работат заедно на подготовките за претстојниот јануарски извештај.
19.12.2023
Засега толку од скокот, биткоинот се враќа кон 40.000 долари
Биткоинот уште еднаш го покажа своето нестабилно лице, а пошироката распродажба на криптосредството го повлече назад кон 40.000 долари.
11.12.2023
Обвинителите во писмото велат дека Бахамите, кои го екстрадираа Банкмен-Фрид за да се соочи со првичните американски обвиненија, допрва треба да се согласат САД да продолжат да му судат за дополнителните обвиненија. Таквата согласност е потребна според договорните обврски, но поранешниот извршен директор на FTX започна правен спор на Бахамите претходно оваа година, што ги натера САД да го поделат случајот на два дела.
Владата објави дека поголемиот дел од доказите што требаше да бидат презентирани на второто судење веќе беа презентирани на првобитното судење на Банкмен-Фрид и може да бидат разгледани од судијата на изрекувањето на пресудата на 28 март.
„Продолжувањето со изрекувањето на пресудата во март 2024 година без одложување што би го предизвикало второто судење ќе го унапреди интересот на јавноста за навремено и праведно решавање на случајот“, се наведува во писмото.
Портпаролот на Банкмен-Фрид одби да коментира.
Обвинителите рекоа дека Банкмен-Фрид управувал со трансферот на парите на клиентите на FTX на „Аламеда Рисрч“, поврзан хеџ-фонд, за вложувања, политички донации и недвижен имот од високата класа пред двете фирми да пропаднат минатата година.
Пресудата беше голема победа за американскиот обвинител Демијан Вилијамс на Менхетен во највисокото гонење во светот на крипто и го означи големиот пад на Банкмен-Фрид во споредба со почетокот на 2022 година кога FTX беше проценет на 32 милијарди долари.
