Илон Маск ги измамил инвеститорите на компанијата „Твитер“ кога ја омаловажувал компанијата во 2022 година во обид да ја купи платформата за социјални мрежи по пониска цена од својата првична понуда од 44 милијарди долари, заклучи поротата.
Поротниците на федералниот суд во Сан Франциско во петокот утврдија дека Маск намерно ги довел во заблуда акционерите на „Твитер“ кога твитнал дека социјалната мрежа, сега наречена X, има премногу лажни профили и се обидел да се повлече од договорот. Поротата отфрли две од четирите обвиненија за измама. Адвокатите на Маск најавија жалба.
Осумчленото тело пресметало колку изјавите на Маск ја намалиле цената на акциите на компанијата за секој трговски ден во период од околу пет месеци. Износот на оштета што треба да им се исплати на поединечните инвеститори, кој би можел да изнесува стотици милиони или дури милијарди долари, ќе биде утврден подоцна кога акционерите ќе поднесат барања.
Прочитај повеќе
Вреди ли „Спејс екс“ 1,75 билион долари? Клучни прашања во пресрет на големото ИПО
„Спејс екс“ планира ИПО што би можело да собере околу 50 милијарди долари и да стане најголемо во историјата на пазарите на капитал.
11.03.2026
Што открива првиот милијардер за првиот билионер
Додека Илон Маск се приближува до границата од билион долари, приказната за Џон Д. Рокфелер покажува како богатствата од таков обем ги преобликуваат пазарите, политиката и јавното мислење.
07.03.2026
„Спејс екс“ на Маск „доверливо“ би се регистрирала за ИПО веќе во март
Компанијата за ракети и сателити би сакала излез на берза во јуни
27.02.2026
Зошто „Тесла“ го прекина производството на автомобилот на векот
Со „модел с“, „Тесла“ го преобликува светот на електричните возила. Зошто Илон Маск одлучи да го прекине?
26.02.2026
Пресудата, донесена по околу три дена разгледување, претставува редок судски пораз за најбогатиот човек на светот, кој е наречен „Тефлон Илон“ поради неговата историја на победи во високоризични правни спорови за кои многумина очекувале дека ќе ги изгуби.
Тој победи на судењето во 2023 година по повод обвиненијата на инвеститорите на компанијата „Тесла“. дека ги довел во заблуда со твит пет години претходно, во кој тврдел дека има „обезбедено финансирање“ за повлекување на компанијата од берза. Маск е сосновач на „Тесла“ и нејзин извршен директор.
Bloomberg
Адвокатот на инвеститорите Марк Моламфи изјави по пресудата дека смета отштетата ќе изнесува 2,6 милијарди долари. Сепак, дури и толку висок износ не би имал значително влијание врз богатството на Маск, кое во петокот изнесуваше 661,1 милијарда долари, според Bloomberg Billionaires Index.
„Овој случај е многу поголем од 'Твитер', оди директно во сржта на Волстрит и она што се случуваше последниве години,“ рече Џозеф Кочет, партнер на Моламфи во фирмата Cotchett, Pitre & McCarthy LLP. „Тоа е одличен пример за тоа што не смеете да му правите на просечниот инвеститор.“
Адвокатите на Маск истакнаа дека тој добивал други случаи во жалбена постапка.
„Денешната пресуда, во која поротата делумно пресуди во корист на тужителите, а делумно против нив и не утврди постоење на поширока измама, ја гледаме како помала пречка,“ се наведува во соопштението на неговиот правен тим од фирмата Quinn Emanuel Urquhart & Sullivan LLP. „Со нетрпение очекуваме ослободување по жалбата.“
Поротниците слушале сведочења на Маск и тогашните највисоки раководители на „Твитер“ околу две недели. Тие се присетија на турбулентниот шестмесечен период во 2022 година кога серискиот претприемач менуваше ставови дали ќе ја купи платформата, што доведе до остра правна борба со управниот одбор на „Твитер“ за да го принудат да го исполни договорот.
Инвеститорите тврдеа дека објавите на Маск на социјалните мрежи и јавните изјави, вклучувајќи твит од 13 мај 2022 година во кој навел дека договорот е „привремено на чекање“ поради проверка на бројот на ботови меѓу корисниците, всушност биле дел од намерен план за намалување на цената на акциите за да може повторно да преговара за поповолна цена.
Моламфи во завршниот збор и рекол на поротата дека твитовите на Маск „не биле некои невини грешки или непромислени твитови“.
„Тие беа намерни, промислени и осмислени за да им пренесат на инвеститорите дека 'Твитер' е преплавен со спам,“ рекол тој.
Маск сведочеше цел еден ден и дел од следниот, и главно се држеше до својата верзија на настаните, тврдејќи дека поранешните раководители на „Твитер“, вклучувајќи го извршниот директор Параг Агравал и финансискиот директор Нед Сегал, го лажеле него и јавноста во финансиските извештаи за распространетоста на спамот и лажните профили, познати како ботови.
„Се разбира дека се зборуваше за повторни преговори кога се појави проблемот со ботовите,“ рекол адвокатот на Маск Мајкл Лифрак во завршниот збор. „Тоа не беше никаква тајна.“
Акциите останаа нестабилни неколку месеци додека Маск се двоумеше околу реализацијата на договорот, со што биле избришани повеќе милијарди долари пазарна вредност на „Твитер“. Кога „Твитер“ го тужел Маск во Делавер во јули 2022 година поради откажување од купувањето, цената на акциите падна на 32,52 долари, што е 40 проценти помалку од понудената откупна цена на Маск.
Маск сведочеше дека се согласил на првичната цена од 54,20 долари по акција бидејќи верувал дека судијата во Делавер, кој го водел спорот, е пристрасен против него.
Милијардерот тврдел дека спорниот твит бил значително различен од целосно откажување од договорот. „Не велам дека нема да го завршам договорот,“ рекол тој на поротата. „Во ниту еден момент не реков дека договорот е откажан.“
Сепак, Маск признал за време на вкрстеното испитување дека објавата „привремено на чекање“ била грешка. „Можеби тоа не е мојот најмудар твит,“ рекол тој. „Не знам дали би го нарекол најглупавиот. Но ако довел до ова судење, веројатно спаѓа во таа категорија.“
.webp){kind=icon}
