.webp){kind=icon}
Корисниците на популарните апликации за снимање аудиоповици немаат среќа во изминатите години, бидејќи малку по малку ваквиот софтвер беше ограничуван, до тој степен што станаа бескорисен. Сега и „Гугл“ оди чекор понатаму и целосно забранува апликации од трети страни за снимање повици на „Плеј стор“.
Технолошкиот гигант нема повеќе трпение ниту волја да излегува во пресрет по однос на ова прашање, бидејќи луѓето кои ги развиваат ваквите апликации не се одвикнуваат од лоши практики. На пример, сите овие апликации бараат дозвола за пристап до Accessibility API, создаден за лица со посебни потреби, со цел да пристапат до аудио знаците на уредот. Ова се однесува исклучиво на оние со Андроид системи.
„Апликациите со основна функција наменети за директна поддршка на лицата со попреченост имаат право да користат IsAccessibilityTool. Апликациите кои не се квалификуваат за IsAccessibilityTool не смеат да користат ознака која укажува на спротивното и мора да ги исполнуваат наведените барања за откривање податоци и согласност од страна на корисникот. Accessibility API не е создадено за оваа намена и од него не може да се бара да снима звук од далечински повик“, стои во политиката на „Гугл“.
