.webp){kind=icon}
„Епл“ (Apple Inc.) во САД ќе започне со продажба на верзии на своите часовници „серија 9“ и „ултра 2“ без функцијата за мерење на кислород во крвта, откако загуби во правната битка и спорот за патенти со „Масимо“ (Masimo Corp).
Компанијата во средата соопшти дека преработените модели ќе бидат пуштени во продажба в четврток, во нејзините малопродажни места и онлајн продавницата. Новите модели и натаму ќе ја вклучуваат алатката за следење на кислородот во крвта, но таа нема да функционира.
Претходно, американскиот апелациски суд одби да му одобри на „Епл“ подолга пауза во однос на забраната за увоз на уредите, која беше наметната од Комисијата за меѓународна трговија на САД. Пресудата значи дека компанијата мора да престане да ги продава часовниците со функција за мерење кислород додека се реши жалбата на забраната - период за кој „Епл“ верува дека може да трае и повеќе од една година.
Прочитај повеќе
„Епл“ ќе се жали откако Белата куќа не ја укина забраната за продажба на часовници
„Епл“ очајно се обидува да го одбрани бизнисот што генерира приближно 17 милијарди долари годишно.
27.12.2023
Тоа ја наведе компанијата да направи необичен чекор за отстранување на клучната карактеристика од своите уреди. Минатата недела американската агенција за царина и гранична заштита ги одобри верзиите на часовниците што ја немаат таа способност.
„Во очекување на жалбата, 'Епл' презема чекори за да се придржува до пресудата, истовремено обезбедувајќи им на клиентите пристап до 'епл воч' со минимални прекини“, се наведува во соопштението на компанијата. „Жалбата на 'Епл' е во тек и веруваме дека Апелацискиот суд на САД треба да ја промени одлуката на Комисијата (за меѓународна трговија). Ние категорично не се согласуваме со одлуката на Комисијата и наредбите што произлегуваат од неа“.
Компанијата додаде дека функцијата останува достапна на моделите што се продаваат надвор од САД. Веќе купените часовници исто така ќе ја задржат способноста да го проверуваат нивото на кислород во крвта.
Судската битка е закана за еден од најдобро продаваните производи на „Епл“ на неговиот домашен пазар, ситуација без преседан за технолошкиот гигант. Часовниците се централен дел од одделот за уреди за носење, дом и додатоци на компанијата, бизнис што генерираше повеќе од 10 отсто од приходите минатата година, или речиси 40 милијарди долари.
