.webp){kind=icon}
Главниот извршен директор на „Алфабет“ (Alphabet Inc.), Сундар Пичаи, рече дека „Гугл“ (Google) ќе направи достапни големи јазични модели базирани на вештачка интелигенција како LaMDA „во наредните недели и месеци“.
„Корисниците наскоро ќе можат да користат јазични модели ’како придружник за пребарување’“, рече Пичаи на конференциски повик во четвртокот, по извештајот за заработката на гигантот за интернет-пребарување за четвртиот квартал.
„Ние сме само на почетокот на нашето патување во однос на вештачката интелигенција, а најдоброто допрва доаѓа“, појасни тој.
Ривалот на „Гугл“, „Мајкрософт“, го привлече вниманието со тоа што ги претстави плановите на своите производи, меѓу кои и пребарувачот „Бинг“ (Bing), да додаде функции со вештачка интелигенција од стартапот „Опен еј-ај“ (OpenAI), вклучувајќи го и генераторот на содржина ЧетГПТ (ChatGPT). Потезите на „Мајкрософт“ за инкорпорирање на вештачката интелигенција доведоа до шпекулации дека тоа може да претставува значаен предизвик за доминацијата на „Гугл“ во сферата на пребарувањето.
