Афера, развод, милијардери: Продал акции од Тесла за добротворни цели

Ко-основачот на „Гугл“(Google), Сергеј Брин основа нова непрофитна организација вредна половина милијарда долари, којашто е фокусирана на здравјето и климатските промени. Документите покажуваат дека најголемиот дел од финансирањето досега доаѓа од акциите на „Тесла“(Tesla Inc).

„Каталист4“(Catalyst4) е организација која е регистрирана под даночниот код 501(c)(4), што му овозможува на Брин да ја искористи моќната нова филантропска стратегија која овозможува даночни олеснувања за милијардерите донатори, како и уникатни нивоа на флексибилност, тајност и политичко влијание.

Акциите на „Тесла“ биле продадени од „Каталист4“ за 366 милиони долари во текот на четири дена, почнувајќи од 14 декември 2021 година, покажуваат документите. Станува збор за период, во која постоеше очигледен јаз меѓу Брин и Илон Маск.

Имено, „Волстрит журнал“ во јули објави дека Брин (49) побарал од советниците да ги продадат акциите откако неговата сопруга Никол Шанахан наводно имала афера со Маск. Иако Маск ја негираше аферата, Брин поднесе барање за развод од Шанахан во јануари 2022 година.

Брин, членовите на одборот на „Каталист“ и претставниците на неговата семејна канцеларија не одговорија на барањата за коментар.

Двете главни цели на „Каталист“ се „поддршка на откритија во третманот на невролошки болести/нарушувања на централниот нервен систем и во напорите да се ублажат и да се отстранат ефектите од климатските промени“, се вели во поднесокот до Службата за внатрешни приходи, која го одобрила нејзиното барање за ослободување од даночни обврски.

Брин, кој е 10. најбогат човек во светот, со нето богатство од околу 93 милијарди долари според индексот на милијардери на „Блумберг“ веќе има своја фондација, која собрала 4,9 милијарди долари до крајот на 2021 година. Но, со насочување на донациите преку новата организација регистрирана под 501 в) (4), тој може да ги заобиколи правилата за фондации што забрануваат прераспоредување пари од добротворни цели за бизнис и политички активности.

„Каталист 4“ потроши 30.000 долари за лобирање во првиот квартал од 2023 година, покажува документацијата, за да изврши притисок за „следење на болестите преку системите за комунални отпадни води. „ВејствотерСкен“ (WastewaterSCAN), иницијатива за следење на болестите преку канализациони системи ја наведува фондацијата на Брин како партнер на нејзината веб-страница. (Друг партнер е „Блумберг Филантропис“ (Bloomberg Philanthropies), основана од Мајкл Блумберг, мнозински сопственик „Блумберг ЛП“, која е матична компанија на „Блумберг Њјус“.)

Напорите на „Каталист4“ за „откривање и истражување на лекови“ вклучуваат инвестиции во ризичен капитал „фокусирајќи се на компании кои измислуваат, развиваат и/или комерцијализираат производи кои одговараат на високи незадоволени медицински потреби“ поврзани со централниот нервен систем. Даночните документи од 2021 година, покажуваат 74,25 проценти сопственост врз „Колумн Груп-Неуро“ (Column Group-Neuro), фонд што собра 100 милиони долари во мај 2021 година. Основачот на „Колумн Груп“ не одговори на барањето за коментар.

Додека 501(c)(4)-организациите се дел од даночниот код со децении и се често се користени од политичките фондови за распоредување на „мрачните пари“, истакнатите милијардери почнуваат да ги користат за пошироки цели. Брин им се придружува на основачот на „Патагонија“, Ивон Шуинард, основачот на хеџ фондот Реј Далио и членовите на семејството Кох во прифаќањето на стратегијата.

За разлика од фондациите и другите 501(c)(3), подароците за 501(c)(4) не се одбиваат од даноците на доход. Но, купувањето возила донаторите може да се заштитат од плаќање даноци на капитални добивки и да ги избегнат давачките за имот и подароци.

Друга придобивка од 501(c)(4)s е тајноста. Врските помеѓу „Каталист4“ и Брин не се видливи во документите, кои не го спомнуваат неговото име. Сепак, членовите на одборот наведени како претседател и благајник на организацијата се високи раководители во семејната фирма на Брин, „Бејшор Глобал Менаџмент“(Bayshore Global Management), која има иста поштенска адреса како „Каталист4“.

Други членови на одборот се даночниот специјалист Екемини Рајли, која е управен директор во друга истражувачка група поддржана од Брин и АСАП (ASAP). Брин, наводно, донирал повеќе од 1 милијарда долари за истражувања за Паркинсоновата болест и го избрал Рајли како лидер во напорите.

Вкупниот имот на „Каталист4“ беше 469 милиони долари на крајот на 2021 година, а се очекуваа уште 100 милиони долари во донации во 2022 година и повторно во 2023 година.

Фондациите генерално мора да трошат 5 проценти од своите средства секоја година на добротворни донации, но 501(c)(4) го немаат истиот услов. Сепак, во извештаите на „Каталист4“ се вели дека имаат намера да дистрибуираат најмалку 5 проценти годишно „на други организации кои активно даваат социјална помош или организираат добротворни активности“.