Apple Inc. „Епл“ планира да промовира часовник со најголем дисплеј досега, поголема батерија и цврсто метално куќиште како дел од новата серија на паметни часовници Apple Watch. Како корисници на овој уред се таргетираат спортистите од екстремните спортови, тврдат извори запознаени со стратегиите.
Часовникот за екстремни спортови ќе користи силен метален материјал наместо алуминиум, ќе има екран поотпотен на кршење и ќе вклучува поголема батерија во споредба со стандардните часовници на Apple, овозможувајќи им на спортистите да ги следат тренинзите подолг временски период, велат извори кои побарале да останат анонимни бидејќи детали за часовникот се уште не се објавени.
Цврстата верзија на Apple Watch ќе добие екран од речиси 2 инча во дијагонала, додека новиот стандарден Apple Watch серија 8 ќе ја задржи големината на екранот од тековната серија. Планираниот нов уред кој ќе настапи како освежување на најниското ниво на часовникот, Apple Watch SE, исто така ќе ја задржи тековната големина на екранот.
Поголемиот дисплеј на моделот за екстремни спортови, кој се планира да биде објавен подоцна годинава, заедно со другите два модела, ќе има околу 7 отсто поголема површина на екранот од најголемиот актуелен Apple Watch. Дисплејот ќе има резолуција од околу 410 на 502 пиксела и ќе ја задржи острина како кај постоечките модели.
Apple би можел да ја користи поголемата површина на екранот на часовникот за да прикаже повеќе фитнес метрики или информации истовремено. Компанијата додаде неколку нови фитнес функции во watchOS 9, вклучувајќи вежбање на повеќе спортови и подобрено следење на интензитетот за време на рутините за вежбање.
Првпат објавен во 2015 година, Apple Watch стана клучен дел од хардверската постава на Apple. Часовниците се вклучени во одделот за дом, додатоци и уреди за носење на производителот кој генерира 38,4 милијарди долари, или 10 отсто од вкупниот приход на компанијата, во изминатата фискална година.
Сепак, сегментот на паметни часовници и уреди за носење е преполн пазар и Apple се натпреварува со производи како што се Fitbit на Google и оние на Samsung Electronics Co.
.webp){kind=icon}
