.webp){kind=icon}
Најновото електрично возило на Киа (Kia Corp.) е малото „Реј“ (Ray), со седиште за само едно лице во неговата најмала конфигурација и цена која е повеќе од конкуретна во Јужна Кореја. Со почетна цена од околу 20.000 долари, „Реј“ е најевтиното патничко возило со батерии на „Киа“. Тоа е, исто така, најнова понуда во растечката ценовна војна за електричните возила во Јужна Кореја, каде што стартапите и онлајн купувањето обезбедуваат уште поевтини опции.
Новото возило е веќе прифатено од пазарот. Повеќе од 6.000 клиенти однапред ги нарачале автомобилите во изминатите 20 работни дена откако „Киа“ ја објави веста за новиот модел, што е повеќе од целта на компанијата за 4.000 нарачки до крајот на 2023 година, соопшти „Киа“.
Верзијата со едно седиште може да се купи за околу 27 милиони вони (20.500 долари). Тоа е уште поевтино во Сеул, каде што субвенциите би ги намалиле трошоците на 16.000 долари. Моделот со четири седишта е со малку повисока цена, од 29,55 милиони вони.
Прочитај повеќе
„Фолксваген“ претстави електрично возило од 25.000 евра
„Фолксваген“ го подготвува автомобилот за европскиот пазар во 2025 година.
15.03.2023
Со околу 200 километри опсег на возење со едно полнење, тој е дизајниран за потрошувачи кои живеат во градови со воспоставена инфраструктура за полнење. Потребни се околу 40 минути со брз полнач за батериите да се наполнат од 10 до 80 проценти.
„Реј“ има батерија од литиум-железо-фосфат (LFP) со капацитет од 35,2 киловат-часови. Оваа батерија е поевтина од ќелиите базирани на никел кои обезбедуваат подолг опсег на возење. „Киа“ не го откри името на добавувачот на батерии.
Компанијата се приклучува на конкуренцијата за поевтини чисти автомобили бидејќи инфлацијата и повисоките каматни стапки го намалуваат расположението на потрошувачите.
Сè поголем број стартапи воведоа поевтини ЕВ и електрични камиони во земјата, заканувајќи им се на „Хјундаи“ (Hyundai Motor Co) и на „Киа“ - кои држат 80 проценти од пазарниот удел во Јужна Кореја. Потрошувачите исто така можат да купат кинески електрични возила со тоа што ќе ги нарачаат преку Интернет и ќе платат данок, што е уште една поевтина опција.
