.webp){kind=icon}
„Опен еј-ај“ ќе го паузира прифаќањето нови корисници за својата платена услуга ЧетГПТ Плус поради огромната побарувачка, наведе главниот извршен директор Сем Алтман во објава во вторникот.
Компанијата на Алтман воведе нови функции и надградби на својата прва конференција за програмери минатата недела, дозволувајќи им на корисниците да градат сопствени верзии на ЧетГПТ за да постигнат специфични задачи. Најавите предизвикаа пораст на побарувачката за алатки и услуги за вештачка интелигенција на „Опен еј-ај“.
„Порастот на користење објава ’девдеј’ (devday) го надмина нашиот капацитет и сакаме да се погрижиме сите да имаат одлично искуство“, напиша Алтман на X, платформата порано позната како Твитер.
Од стартапот за вештачка интелигенција на својата конференција наведоа дека приближно 100 милиони луѓе ги користат неговите услуги секоја недела и повеќе од 90 отсто од бизнисите градат алатки на платформата на „Опен еј-ај“.
Со новата опција корисниците ќе можат да креираат свои специјализирани верзии на ЧетГПТ - едноставно наречени ГПТ - кои можат да помогнат дете да научи математика или да се објаснат правилата на игра на табла. Не е потребно кодирање, велат од компанијата.
„Опен еј-ај“ исто така планира да воведе продавница во текот на месецов, каде што корисниците ќе можат да најдат приспособени ГПТ од други корисници - и да заработат пари од нивните сопствени - исто како што може со апликациите во Апп стор на „Епл“.
