.webp){kind=icon}
Производителот на ајфон (IPhone), „Хон Хаи пресижн индустри“ ( Hon Hai Precision Industry Co.) планира да го прошири своето присуство во Индија со уште една инвестиција од 50 милијарди нови тајвански долари (1,6 милијарди долари) што ќе бидат вложувања во нови инфраструктурни проекти односно нови објекти.
Во соопштението кое беше објавено во Тајван денеска, не се дадени дополнителни детали, само се вели дека инвестицијата ќе биде за „оперативни потреби“. Портпаролот на компанијата одби да каже каде ќе бидат новите објекти или што точно ќе градат.
Веста доаѓа бидејќи „Хон Хаи“, познат и како „Фокскон“, и другите тајвански производители на електроника продолжуваат да ги диверзифицираат своите бизниси надвор од Кина, бидејќи се зголемуваат тензиите меѓу Вашингтон и Пекинг.
Прочитај повеќе
„Епл“ очекува празничниот квартал да биде полош поради Кина
Заработката во минатиот квартал беше 1,46 долар по акција, надминувајќи ја консензуалната процена од 1,39 долар.
03.11.2023
Почна продажбата на новиот „ајфон 15“ на компанијата „Епл“
Новите онлајн нарачки за најновите модели „ајфон 15“ нема да пристигнат за клиентите барем до средината на ноември.
22.09.2023
Тајванските доставувачи на „Епл“ продолжуваат со двоцифрен пад на продажбата
И оваа година продажбата на паметни телефони, лаптопи и други лични електронски уреди е намалена.
21.09.2023
Ајфон 15 ќе се произведува во Индија
Целта е дополнително да се намали јазот меѓу операциите во Индија и главната производствена база во Кина.
17.08.2023
„Епл“ се соочува со најголем пад на продажбата - „Ајфон е крив“
Потрошувачите се соочуваат со притисокот на општите каматни стапки, повисоката инфлација.
04.08.2023
„Тата груп“ ќе биде првиот индиски производител на „Ајфон“
Веќе во август, за прв пат локална компанија ќе почне со склопување на „Ајфон“
11.07.2023
Доставувач на „Епл“ е изложен на ризик поради редизајнирање на ајфон 15
Промената во дизајнот на ајфон 15 ги турна акциите на „Сирус“, снабдувач на „Епл“, за 12 проценти.
12.04.2023
Околу половина од приходите на „Фокскон“ доаѓаат од бизнисот со „Епл“ (Apple Inc). Компанијата произведува ајфони и други производи во Индија веќе неколку години, вклучувајќи го и најновиот ајфон 15. Во септември, претставник на „Фокскон“ во Индија на Линкдин објави дека тајванската компанија планира двојно да го зголеми нејзиниот бизнис во јужноазиската земја.
Владата на индиската држава Карнатака во август објави дека „Фокскон“ планира да инвестира 600 милиони долари во две фабрики за компоненти во таа јужна индиска држава. Тоа вклучуваше фабрика што ќе прави механички куќишта за ајфон и фабрика за производство на полупроводничка опрема што ќе работи со „Еплејд материалс“ (Applied Materials Inc), соопшти тогаш владата.
Овие два проекта се дел од инвестицијата вредна 700 милиони долари што „Фокскон“ има за цел да ја реализира на локација од 121 хектар блиску до аеродромот во Бенгалуру, главниот град на Карнатака, објави претходно „Блумберг њус“. Таа фабрика најверојатно ќе склопува ајфони.
Веднаш не беше јасно дали најновата објава за инвестиции треба да ги опфати тие проекти или станува збор за дополнителни вложувања.
„Фокскон“ веќе работи со девет производствени кампуси и повеќе од 30 фабрики кои вработуваат десетици илјади луѓе во Индија, каде што остварува приходи од околу 10 милијарди долари годишно.
