.webp){kind=icon}
Koмпјутерите на славен начин ги победија луѓето во покер и шах. Сега тие можат да ги научат физичките вештини за да се истакнат во основните игри на умешност. Истражувачите од „ETХ Цирих“ создадоа робот со вештачка интелигенција наречен „Сајбер Ранер“ (CyberRunner) за кој велат дека ги надминал луѓето во популарната игра „Лавиринт“. Тој ја водеше малата метална топка низ лавиринтот со навалување на површината, избегнувајќи дупки низ таблата и ја совлада играта за само шест часа, велат тие.
„Сајбер Ранер“ е еден од првите случаи во кои вештачката интелигенција ги победи луѓето при директни физички апликации, рекоа Рафаело Д’Андреа и Томас Би, истражувачи од истакнатата европска институција. Во експериментите, нивниот робот користел две копчиња за да манипулира со површината за играње, за што биле потребни фини моторни вештини и просторно расудување. Самата игра бара стратешко размислување во реално време, брзи одлуки и прецизна акција.
Дуото ја сподели својата работа во академски труд објавен пред неколку дена. Тие го изградија својот модел по неодамнешниот напредок во полето на таканаречено засилено учење базирано на модели, тип на машинско учење каде што вештачката интелигенција учи како да се однесува во динамично опкружување со обиди и грешки.
„Ние ја поставуваме нашата работа на платформа со отворен код за да покажеме дека тоа е можно, споделувајќи ги деталите за тоа како е направено и на тој начин продолжувањето на работата не е скапо“, рече Д'Андреа, кој беше ко-основач на „Кива Системс“ (Kiva Systems) пред да го продаде на „Амазон“. „Наскоро ќе има илјадници од овие системи за вештачка интелигенција кои ќе прават заеднички експерименти, ќе комуницираат и ќе споделуваат најдобри практики.“
Индустриските роботи извршуваат повторувачки, прецизни производствени задачи со децении, но прилагодувањата, како оние кај „Сајбер Ранер“ се на следното ниво, велат истражувачите. Системот може да размислува, учи и самостојно да се развива на физички задачи, за кои претходно се мислеше дека може да се постигнат само преку човечката интелигенција.
„Сајбер Ранер“ учи преку искуство, преку камера што гледа надолу во лавиринтот. За време на процесот, откри изненадувачки начини за „измамување“ со прескокнување на делови од лавиринтот. Истражувачите мораа да се вмешаат и експлицитно да и наложат да не презема кратенки.
Проектот со отворен код на дуото сега е достапен на нивната веб-страница. За 200 долари, може да им помогне на корисниците да ги координираат експериментите од големи размери користејќи ја платформата „Сајбер Ранер“.
„Ова не е нарачана платформа која чини многу пари“, рече Д’Андреа. „Возбудливото нешто е што тоа го правиме на платформа која е отворена за секого и речиси ништо не чини за понатамошно унапредување на работата“.
