„Опен еј-ај“ прекина обид за иранско влијание на изборите во САД

„Опен еј-ај“ (OpenAI) отстрани мрежа од ирански сметки што го користеа нејзиниот чет-бот „Чет ГПТ“ (ChatGPT) за да се обидат да преку кампања да влијаат на претседателските избори во САД со генерирање долги написи и коментари на социјалните мрежи, објави компанијата.

Од овие сметки била создадена содржина која е навидум од либерални и конзервативни корисници, вклучувајќи објави дека поранешниот претседател Доналд Трамп е цензуриран на социјалните мрежи и се подготвува да се прогласи за крал на САД. Од друга сметка изборот на потпретседателката Камала Харис за Тим Волц за нејзин потпретседател бил опишан како „пресметан избор за единство“.

„Кампањата за влијание, која вклучи објави за војната на Израел против Газа, Олимписките игри во Париз и теми за мода и убавина, се чини дека не доби значителен ангажман на публиката“, рече Бен Нимо, главен истражувач во тимот за разузнавање и истраги на „Опен еј-ај“ на вчерашниот брифинг со новинарите. „Операцијата се обиде да игра на двете страни, но изгледа дека не ги ангажира ниту едната, ниту другата“, рече тој.

Иранската операција е најнов показател за неуспешните напори за користење на вештачката интелигенција за влијаније преку социјалните мрежи, што сигнализира дека странските оперативци сè уште смислуваат како да профитираат од новиот род на алатки за вештачка интелигенција кои можат брзо да исплукаат убедливо пишување и слики за малку пари или бесплатно. „Мајкрософт“ во јуни соопшти дека открила проруски сметки кои се обидуваат да засилат фабрикувано видео кое покажува насилство на Олимпијадата. „Мета“ претходно оваа година соопшти дека отстранила стотици Фејсбук профили поврзани со операции за влијание од Иран, Кина и Русија, од кои некои се потпирале на алатки за вештачка интелигенција за ширење дезинформации.

„Опен еј-ај“ вчера не го прецизираше точниот број на сметки што ги отстрани. Стартапот соопшти дека исто така идентификувал десетина сметки на X, порано Твитер и една на Инстаграм вклучени во напорите за ширење пропаганда. Инстаграм ја отстранил спорната сметка, која главно била фокусирана на Шкотска и објавувала содржини за храна. X не одговори веднаш на барањето за коментар.

Откривањето доаѓа откако осомничените ирански хакери ја компромитирале политичката кампања на Трамп, што предизвика федерална истрага за можното странско мешање пред изборите во САД во ноември. Американската разузнавачка заедница постојано предупредуваше на странските влади кои се обидуваат да ги обликуваат мислењата на Американците. Канцеларијата на директорот на националното разузнавање во јули соопшти дека Иран, Русија и Кина регрутираат луѓе во САД за да се обидат да ја шират својата пропаганда.

„Опен еј-ај“ во мај соопшти дека мрежите од Русија, Кина, Иран и Израел се обиделе да ги искористат производите на компанијата за вештачка интелигенција за да ги зајакнат нивните пропагандни напори. Во тоа време, компанијата соопшти дека мрежите што ги прекинала користеле вештачка интелигенција за да генерираат текст и слики во поголем волумен отколку што инаку би било возможно од човечки креатори, помагајќи им содржината да изгледа поавтентична. Сепак, кампањите не успеаја да генерираат значително поголем ангажман, велат од стартапот.

Во моментов нема коментари за веста. Биди прв да коментира...

Остави коментар