.webp){kind=icon}
„Опен еј-ај“ (OpenAI) им овозможува на бизнисите и на програмерите да го вклучат неговиот гласовен асистент во реално време во своите апликации, трасирајќи пат за повеќе корисници да имаат реалистични разговори со вештачка интелигенција за широк спектар на задачи.
Оваа функција, која е слична на најновиот гласовен асистент достапен за корисниците што плаќаат за ЧетГПТ (ChatGPT), е достапна од вторникот за оние што создаваат апликации и услуги со програмскиот интерфејс на „Опен еј-ај“. Бизнисите ќе можат да развиваат софтвер како гласовен бот за корисничка поддршка или апликација за патување што врши телефонски повици во име на корисникот, објави компанијата. Некои компании веќе го тестираат новиот гласовен капацитет, вклучувајќи ги апликацијата за здравствени совети „Хелтифај“ (Healthify) и апликацијата за учење јазици „Спик“ (Speak).
Интеграцијата на гласовни функционалности од трети страни е една од многубројните надградби што „Опен еј-ај“ ги објави на настанот за програмери во Сан Франциско во вторникот. Конференцијата му овозможува на „Опен еј-ај“ да покаже како планира да остане пред конкуренцијата во сè погустата пазарна средина за софтвери со вештачка интелигенција, во време кога се обидува да затвори голем инвестициски круг. Исто така, доаѓа по неколку дена откако неколку лидери, вклучувајќи ја и техничката директорка Мира Мурати, изјавија дека планираат да ја напуштат компанијата - што е последна во низата на високопозиционирани вработени што заминаа во последните месеци.
Иако „Опен еј-ај“ претстави нов модел за вештачка интелигенција (ВИ) на својата прва конференција за програмери минатиот ноември, компанијата објави дека нема да го направи тоа годинава.
Повеќе детали прочитајте на овој ЛИНК.
