„Епл“ (Apple) планира на 19 февруари да претстави производ кој главниот извршен директор Тим Кук го опиша како „најновиот член на семејството“.
Кук заедно со пораката на социјалната мрежа X објави кратка анимација на металното лого на „Епл“, без да даде повеќе детали. Објавата придонесе акциите на компанијата во четвртокот да пораснат за два процента.
„Блумберг њуз“ (Bloomberg News) минатата недела објави дека нов ајфон од ниска ценовна класа е неизбежен и ќе биде претставен овој месец. Во малопродажните места на „Епл“ недостасуваат залихи од тековниот „ајфон ес-и“ (iPhone SE), што е уште еден знак дека доаѓа нов уред.
Новата верзија ќе биде слична на ајфон 14, со поголем екран и „фејс ај-ди“ (Face ID). Ова ќе значи крај на физичкото копчето home, интерфејс кој го претстави ко-основачот Стив Џобс на оригиналниот ајфон во 2007 година. Можно навестување во пораката на Кук: се чини дека анимацијата што ја објави ја прикажува формата на копчето home кое исчезнува.
Новиот модел ќе вклучува и „епл интелиџенс“ (Apple Intelligence) и чип A18, кој моментално е вграден во ајфон 16, објави „Блумберг њуз“ (Bloomberg News). Во значаен потег, моделот ќе биде првиот уред на „Епл“ со сопствен модемски чип, кој ќе ги замени компонентите на „Куалком“ (Qualcomm). „Епл“ планира есенва овој чип да го вгради во новиот потенок ајфон, а надградената верзија ќе се појави во моделите „ајфон про“ (iPhone Pro) во 2026 година.
Покрај новиот модел на ајфон, „Епл“ за првата половина на 2025 година подготвува и низа други уреди. Ова вклучува „мекбук ер“ (MacBook Air) со чип M4 и надградби за нискобуџетните модели и „ајпад ер“ (iPad Air). Покрај новиот уред за следење „ертаг“ (AirTag) и надградените професионални десктоп компјутери, работи и на својот прв паметен домашен центар со екран. Како и обично, компанијата наесен ќе издаде и нови модели на „ајфон“ (iPhone) и „епл воч“ (Apple Watch).
„Епл“ се потпира на новите модели на „ајфон“ за да помогне во спречување на падот на продажбата. Приходите од уредот неочекувано се намалија за 1 процент во последниот квартал. Во Кина, вкупната продажба падна за 11 проценти.
Тековниот „ајфон ес-и“ чини 429 долари, а новиот модел се очекува да биде малку поскап поради бројните надградби. Коментарот на Кук за „најновиот член на семејството“ укажува дека „Епл“ можеби планира да го преименува „ајфон ес-и“, моделот кој првпат се појави во 2016 година.
Пораката е дел од вестите за производите на технолошкиот гигант од Калифорнија. Во средата, услугата „Епл ТВ+“ (Apple TV+) за првпат беше претставена за користење на андроид телефони. На почетокот на оваа недела, одделот „битс“ (Beats) на „епл“ (Apple) ги претстави „пауербитс про 2“ (Powerbeats Pro 2) со функција за следење на срцевиот ритам. Компанијата исто така ги покани медиумите да се придружат на презентацијата за најновиот сет „вижн про“ (Vision Pro) в петок.
.webp){kind=icon}
