Шест работи што треба да ги знаете од настанот на „Епл“ и лансирањето на ајфонот на преклопување

Еве шест клучни работи од годишниот септемвриски хардверски настан на „Епл“ (Apple Inc.) што се одржа во среда, каде што компанијата го претстави својот прв телефон на преклопување, ајфон дуо (iPhone Duo), меѓу другите производи:

 

• „Епл“ го позиционира ајфон како централен уред за вештачка интелигенција во оваа технолошка ера, бидејќи работи на нови типови производи за иднината.

 

• ​Ајфон дуо, со почетна цена од 1.999 долари, нуди уникатен кориснички интерфејс и конкурентни карактеристики на камерата.

 

• Кај ајфон 18 про (iPhone 18 Pro) камерата е централната предност , но и новите бои како црна и бордо би можеле да му помогнат да се издвои од минатогодишните модели. Обично, втората генерација на нов дизајн на ајфон се продава подобро од првата.

 

• Ајфон 18 про ветува „голем скок“ во траењето на батеријата, најавувајќи 36 часа за 18 про и 45 часа за 18 про макс.

 

• Новите ерподс 5 (AirPods 5) не се некое огромно подобрување, но цените од 129 и 149 долари имаат потенцијал да ги привлечат потрошувачите, особено поскапата верзија што вклучува подобар век на траење на батеријата и безжично полнење.

 

• „Епл“ го репозиционира епл воч (Apple Watch) како свој ВИ уред за носење (wearable) со вклучување на новата функција „сири рикапс“ (Siri Recaps). Многу е сличен на амазон бии (Amazon Bee) и мноштво други нови уреди за носење што можат да го „слушаат“ вашиот ден и да даваат резимеа.