.webp){kind=icon}
Цената на возилата од „Тесла“ (Tesla) со опција за целосна автономност во управувањето ќе се зголеми за 15.000 долари во Северна Америка, објави во неделата главниот извршен директор Илон Маск на „Твитер“.
Tesla ќе лансира нови цени на 5. септември, најави Маск. Сегашната цена од 12.000 долари за возилата со целосно самостојно управување (full self-driving - FSD) ќе биде достапна за секој што ќе направи нарачка до тој датум, но испораката ќе биде направена подоцна, напиша тој во твитот. Ова е второ поскапување годинава.
Поограничениот модел на автопилот (Autopilot) од Tesla е под лупа од федералните и калифорниските регулатори кои истражуваат можни дефекти. Национална управа за безбедност на сообраќајот на автопатите во јули истражи речиси 200 несреќи поврзани со опцијата за автопилот.
Во меѓувреме, Одделот за моторни возила во Калифорнија ја обвини Tesla дека ги доведува во заблуда клиентите за функциите рекламирани како Autopilot и FSD.
