Што е клучно во деловниот свет денес?
Иновации, приспособливост и визија, се разбира. Но за компаниите од сите големини, а особено за стартапите и малите претприемачи, клучно е запознавањето со вистинските луѓе. За претприемачите од регионот не постои подобро место за тоа од Виена УП (ViennaUP) - деветдневен стартап-фестивал, кој се одржува од 8 до 16 мај 2025 година во австриската престолнина.
Подгответе се за Виена УП 2025
Тоа е еден од најголемите стартап-настани во Европа, каде што секоја година се собираат претприемачи, иноватори, инвеститори и визионери. Технолошките гуруа и експертите за вештачка интелигенција се среќаваат со инвеститори и клучни имиња од стартап-екосистемот на 65 настани со повеќе од 10 илјади учесници низ градот.
Фестивалот е децентрализиран и воден од заедницата, овозможувајќи им на посетителите да ја запознаат Виена како локални жители и да ја доживеат како вистинска, космополитска и разновидна метропола. Повеќе од 45 партнери учествуваат во креирањето инспиративна, достапна и автентична прослава на стартап-културата во Виена.
Фестивалот, кој беше инициран од Виенската бизнис-агенција, организација на Град Виена, сега е во своето петто издание и вешто ги комбинира иновативните формати со актуелните деловни теми – од вештачка интелигенција и финансии до одржливост и општествено влијание.
Ексклузивни можности за поврзување
Promo/ViennaUp 2025
Виена УП се издвојува од другите стартап-настани како можност за остварување долгорочни контакти. Квалитетните мрежни настани вклучуваат „Конект деј 25“ (Connect Day 25), „Импакт дејс 2025“ (Impact Days 2025), „Фаундерс пикник“ (Founder's Picnic) и секогаш популарната вечер „ГИН енд френдс нетворкинг“ (GIN & Friends Networking).
Особено се популарни „Кофи хаус сизнс“ (Coffee House Sessions) – ексклузивни тркалезни маси на кои се собираат мали групи учесници со врвни експерти и искусни инвеститори, нудејќи можност да разменат идеи и да добијат директни повратни информации за нивните деловни концепти.
Овие сесии се одржуваат во три шармантни виенски кафулиња. Традиционалното кафуле „Шварценберг“ ве враќа во деновите на царска Австрија, кога уметниците и интелектуалците се собирале на кафе. Од друга страна, кафулето „Труд и Тохтер“, со тераса на покривот и поглед на барокната Карлова црква, обезбедува совршено место за опуштени деловни разговори. А за оние што претпочитаат тропска атмосфера, „Голденер папагеј“ во вториот округ нуди креативен амбиент опкружен со растенија и колачи.
Promo/ViennaUp 2025
Место за средба на стартапи и инвеститори
Со оглед на разновидноста и талентот на учесниците на Виена УП, не е изненадување што секоја година привлекува голем број стартапи и инвеститори. Меѓу нив се виенските инвеститори Кристофер Полигкеит и Микеле Луперини од технолошкиот центар „Плаг енд плеј“ (Plug and Play Tech Center), како и Ѓунче Онур, партнер од естонскиот стартап „Вајс гајс“ (Wise Guys).
„Секојдневниот живот на еден инвеститор е многу интензивен“, рече Онур во неодамнешното интервју за „Трендинг топикс“ (Trending Topics) со седиште во Виена. „Затоа за нас е посебно кога имаме настан што не само што се фокусира на бизнисот туку нуди и култура и забава - особено во град како Виена. Тоа е едноставно фантастично“.
Многу активности на Виена УП се осмислени специјално за поврзување стартапи и инвеститори, додека некои се специјално наменети за инвеститорите за размена на знаење. Тука на примери се вклучени „Импакт дејс“ (Impact Days), „Гетавеј венчрс инвеститорс брејкфаст“ (Gateway Ventures Investors Breakfast) и „Инвест. Аустриа инвеститорс брејкфаст“ (Invest. Austria Investors Breakfast).
Опуштање на виенски начин
Promo/ViennaUp 2025
Во текот на денот учесниците постојано се во движење – презентираат, учат и остваруваат контакти. Затоа им е потребен простор каде што ќе можат да продолжат со поврзување во опуштена атмосфера.
Виена УП хоумбејз (ViennaUP Homebase) е централно место за повторно поврзување во автентичната виенска средина. Лоциран на Карлсплац, со живописната заднина на Карловата црква и Виенскиот музеј, Хоумбејз е вистинска урбана оаза во средината на градската врева.
Секоја вечер на фестивалот, Хоумбејз се трансформира во највозбудливата локација во градот, со музика во живо од локални уметници, со дегустации на храна и на вино и со разни забавни настани.
Promo/ViennaUp 2025
Погледнете ја галеријата
Promo/ViennaUp 2025
Погледнете ја галеријата
Promo/ViennaUp 2025
Погледнете ја галеријата
Promo/ViennaUp 2025
Погледнете ја галеријата
Promo/ViennaUp 2025
Погледнете ја галеријата
Promo/ViennaUp 2025
Погледнете ја галеријата
Патувајте и престојувајте со стил
Виена УП ги собира најдобрите деловни луѓе од целиот свет, а учесниците можат да ги искористат ексклузивните понуди за патување и за сместување. Патувајте со возот ОББ (ÖBB), а престојувајте во еден од трите специјално избрани хотели што соработуваат со Виена УП и добијте попусти за патувањето и ноќевањата!
Обезбедете го вашиот билет за Виена УП 2025 (8-16 мај) уште денеска и поврзете се со вистинските луѓе за вашиот бизнис, запознајте го виенскиот и меѓународниот стартап-екосистем и запознајте инвеститори, основачи, таленти и лидери за иновации од целиот свет. Посетете го viennaup.com и бидете дел од овој динамичен настан!
.webp){kind=icon}
