Аналитичкиот тим на „Блумберг Адрија“ во новата регионална анализа за макроекономките движења ги потврдува бројките за раст на БДП за сите земји од регионот Адриjа што ги предвиде во претходниот извештај, укажувајќи дека зад него стои силната потрошувачка којашто го неутрализира влошениот амбиент кај странската побарувачка. Во анализата објавена на „Блумберг Адрија Инсајт“, нашиот тим ги презентира очекувањата за макроекономските показатели во земјите од регионот до крајот на годинава и за 2024 година.
Оттаму сметаат дека при крајот на 2023 година во поголем дел од европскиот континент ќе има рецесија, а со оглед на тоа што некои од најголемите економии, како Германија веќе се во рецесија.
„Сепак, иако земјите од регионот Адрија преку трговијата се силно поврзани со моќниот центар на ЕУ (Германија), тие сè уште имаат рекордно ниски стапки на невработеност, а во исто време растат вработеноста, платите и инвестиции. Накратко, рецесија во странство не значи рецесија на локално ниво.“, велат аналитичарите.
Тие додаваат дека поддршката на одлуката за запирање на зголемувањето на каматните стапки ги влошува економските чувства во економиите во еврозоната, како резултат на падот на ПМИ (PMI), стагнацијата во трговијата на мало и остриот пад на нарачките на фабриките во Германија. Од другата страна, има силен пазар на труд (и раст на реалните плати) низ целата еврозона и тврдоглава инфлација во главните економии.
Кога станува збор за 2024 година нашите аналитичари очекуваат забрзување на растот на БДП во сите земји од регионот Адрија, освен во БиХ каде се предвидува економски раст еднаков на годинешниов.
Ваквите прогнози ги базираат на очекувањата за зајакната лична потрошувачка во услови на забавување на инфлацијата. Како фактори кои би можеле да допринесат кон дополнителна поддршка на растот ги наведуваат закрепнувањето на странската побарувачка и реалната можност зимата 2023/2024 година да помине без нови енергетски шокови.
Тие посочуваат дека во моментов пазарот се обложува дека има околу 70 проценти шанси за зголемување на каматните стапки на ЕЦБ за 25 базични поени до крајот на 2023 година.
„Гледаме измешани сигнали од економијата и пазарите. Најновите слаби економски податоци за еврозоната ги намалуваат шансите за ново покачување. Исто така, економското расположение во август 2023 продолжи да се влошува“, велат аналитичарите.
Сепак, тие додаваат дека најновите податоци за инфлацијата од главните европски економии покажуваат малку спротивни сигнали.
.webp){kind=icon}
