.webp){kind=icon}
Ако прашате некои од светските богаташи и моќници кои оваа недела гравитираат кон Давос без размислување ќе ви речат - по двегодишна пауза од швајцарскиот ски-центар поради пандемијата, сепак годишниот состанок на Светскиот економски форум едноставно нема да биде ист.
Списокот на гости е пократок за стотици имиња, а многу „титани на финансиите“ секако отсуствуваат. Шефовите на Goldman Sachs Group Inc. и JPMorgan Chase & Co. потврдија дека нема да дојдат. Ниту Лери Финк од BlackRock Inc. или Стив Шварцман, милијардерот кој управува со приватен еквити капитал.
Исто така, недостасува вообичаениот контингент на супербогати руски тајкуни -неколкумината кои присуствуваа во 2020 година сега се санкционирани. Така е и со некои нивни кинески колеги.
Bloomberg
Дури ги нема и вообичаениот снег и остар јануарски воздух , па според прогнозата, за време на мајскиот Давос ќе има дожд. Организацијата веќе вклучи чадори наместо крампони во пакетот за добредојде на учесниците.
Долготрајната пандемија, неконтролираната инфлација, падот на берзите и војната во Украина всушност се мрачна позадина на петдневниот настан. Над сето тоа се наѕира овогодинешната тема, која има застрашувачки набој: „Историјата во пресвртна точка“.
„Јас едноставно не мислам дека возбудата е тука“, рече Венди Крафт, шеф на персоналот во Fulcrum Equities, семејна канцеларија со седиште во Њујорк.
„Пазарите, војната и вирусот сигурно не помагаат, додаде тој.
Настанот сè уште како што се очекува треба да привлече околу 2.000 гости, не сметајќи ги овде тие кои доаѓаат, но не одат на официјалните настани.
На големиот настан ќе присуствуваат околу 90 милијардери вклучени во Индексот на милијардери на Блумберг. Меѓу нив филантропите Бил Гејтс и Џорџ Сорос, магнатот од хеџ-фондовите Реј Далио и Индиецот Гаутам Адани, чие лично богатство вртоглаво порасна оваа година, што го прави шестиот најбогат човек на светот.
За споредба, најмалку 119 милијардери се собраа во овој град во јануари 2020 година, токму кога се појави коронавирусот.
Додека своето присуство го потврдија околу 50 шефови на држави или влади, германскиот канцелар Олаф Шолц е единствениот лидер од најмоќните Г7.
Bloomberg
Во таа 2020 година дојде и тогашниот претседател на САД Доналд Трамп, а сега американската делегација ќе ја предводи министерката за трговија Џина Раимондо. Највисокиот кинески функционер е Ксие Женхуа, специјалниот пратеник за климатски промени.
Најмоќниот политички лидер во моментот украинскиот претседател Володимир Зеленски, ќе се обрати на собирот од завојуваниот Киев во понеделник.
Многумина од присутните оваа година се сепак воодушевени од враќањето во нормала - состаноците, ракувањата, пиењето Monsteiner, локалното пиво направено во Piano bar, европската пиварница која се наоѓа на најголема надморска височина.
