Просечната каматна стапка на вкупните кредити во мај 2023 година изнесува 5,09 проценти и забележа месечен и годишен раст од 0,01 п.п. и 0,81 п.п., соодветно, соопшти Народната банка. Оттаму додаваат дека просечната каматна стапка на вкупните депозити се зголеми на месечно и на годишно ниво за 0,05 п.п. и 0,55 п.п., соодветно и изнесува 1,22 проценти.
„Во мај, просечната каматна стапка на новоодобрените кредити изнесува 5,32 проценти и бележи месечно намалување од 0,12 п.п. На годишна основа, оваа каматна стапка е повисока за 1,35 п.п. Просечната каматна стапка на новопримените депозити забележа месечен пад од 0,30 п.п. и изнесува 1,93 проценти, додека на годишно ниво оствари раст од 1,17 п.п.“, информираат од Народната банка.
Какви се движањата на каматите за кредитите на корпоративниот сектор?
Прочитај повеќе
Скапите кредити ќе го „изедат“ економскиот раст
Новото зголемување на каматната стапка неповолно ќе влијае на стопанството и ќе ги намали инвестициите, вели универзитетскиот професор Абил Бауш.
23.06.2023
Растат трошоците за задоцнето плаќање, брз раст на казнените камати
Од 1 јули затезната камата ќе изнесува шест отсто.
26.06.2023
Нема кредит за презадолжените граѓани: Од јули нови прагови
Народната банка го уредува износот на месечните обврски на физичко лице кон банката во споредба со неговиот месечен доход.
21.06.2023
Во мај, просечната каматна стапка на вкупните кредити на корпоративниот сектор изнесува 4,81 проценти и е зголемена за 0,02 п.п. во споредба со претходниот месец.
„Нагорната промена е резултат на растот на денарските кредити без и со валутна клаузула (за 0,08 п.п. и 0,04 п.п., соодветно), додека каматните стапки на кредитите во странска валута бележат намалување (за 0,09 п.п.). На годишна основа, оваа каматна стапка е повисока за 1,38 п.п.“, велат од НБМ.
Каматната стапка на новоодобрените кредити на корпоративниот сектор, во мај изнесува 5,36 проценти и оствари месечен пад од 0,17 п.п.
„Притоа, промената произлегува од намалувањето на каматните стапки на кредитите во странска валута и на каматните стапки на денарските кредити со валутна клаузула (за 0,68 п.п. и 0,46 п.п., соодветно), во услови кога каматните стапки на денарските кредити без валутна клаузула бележат зголемување (за 0,16 п.п.). Каматната стапка на новоодобрените кредити на корпоративниот сектор забележа годишен раст од 1,90 п.п.“, соопшти Народната банка.
Во мај, просечната каматна стапка на вкупните депозити на корпоративниот сектор изнесува 1,92 проценти, што претставува месечно зголемување од 0,10 п.п.
„Растот се должи на зголемувањето кај сите компоненти: каматните стапки на денарските депозити без валутна клаузула и каматните стапки на депозитите во странска валута (за 0,12 п.п. и 0,08 п.п., соодветно), како и на каматните стапки на денарските депозити со валутна клаузула (за 0,02 п.п.). Во споредба со мај 2022 година, оваа каматна стапка е зголемена за 1,05 п.п“, велат од Народната банка.
Каматната стапка на новопримените депозити на корпоративниот сектор во мај е пониска за 0,12 п.п. на месечна основа и изнесува 1,50 проценти. Од аспект на валутната структура, намалувањето е резултат на падот на каматните стапки на депозитите во странска валута и на каматните стапки на денарските депозити со валутна клаузула (за 1,58 п.п. и 0,08 п.п., соодветно), при остварен раст на каматните стапки на денарските депозити без валутна клаузула (за 0,58 п.п.). Каматната стапка на новопримените депозити на корпоративниот сектор бележи годишен раст од 0,39 п.п.
Без големи промени кај кредитите за домаќинствата
Од Народната банка информираа дека во мај, каматната стапка на вкупните кредити на домаќинствата изнесува 5,34 проценти се задржа на истото ниво од претходниот месец, додека на годишно ниво оствари раст од 0,28 п.п.
„Просечната каматна стапка на новоодобрените кредити на домаќинствата во мај забележа месечно намалување од 0,01 п.п. и изнесува 5,25 проценти. Надолната промена се должи на падот на ка матните стапки на кредитите во странска валута и на денарските кредити без валутна клаузула (за 0,28 п.п. и 0,12 п.п., соодветно), во услови на раст на каматните стапки на денарските кредити со валутна клаузула (за 0,23 п.п.). Анализирано на годишно ниво, оваа каматна стапка е повисока за 0,72 п.п.“, соопшти Народната банка.
Во мај, каматната стапка на вкупните депозити на домаќинствата се зголеми за 0,04 п.п. на месечна основа и изнесува 1,15 проценти.
„Притоа, растот произлегува од зголемувањето на каматните стапки на депозитите во странска валута и на каматните стапки на денарските депозити без валутна клаузула (за 0,05 п.п. и 0,04 п.п., соодветно), додека каматните стапки на денарските депозити со валутна клаузула бележат минимален пад (за 0,01 п.п.). Каматната стапка на вкупните депозити на домаќинствата забележа годишен раст од 0,49 п.п.“, соопшти Народната банка
Каматната стапка на новопримените депозити на домаќинствата во мај бележи месечен пад од 0,16 п.п. и изнесува 2,18 проценти.
„Промената во целост произлегува од намалените каматни стапки на денарските депозити без валутна клаузула (за 0,38 п.п.), во услови кога каматните стапки на депозитите во странска валута остварија раст (за 0,16 п.п.). Овој месец, кај банките и штедилниците не се евидентирани новопримени денарски депозити со валутна клаузула. Споредено на годишно ниво, оваа каматна стапка забележа зголемување од 1,56 п.п.“, велат од Народната банка.
.webp){kind=icon}
