Европската централна банка ги одобри барањата на главните грчки банки за исплата на дивиденди оваа година, за првпат од 2008 година.
„Алфа“ (Alpha Services and Holdings SA) ќе распредели 122 милионa евра (133 милиони долари) добивка во 2023 година, половина од износот во готовина како дивиденда, а остатокот во откуп на сопствени акции, соопшти банката во четвртокот.
Грчките банки им немаат исплатено дивиденди на акционерите од финансиската криза пред 16 години. Земјата влезе во децениска должничка криза во 2010 година, при што банките беа капитализирани како дел од нејзините спасувачки програми.
Приказ на планирани дивиденди за 2024 година
Bloomberg Mercury
„Супервизорското одобрување за продолжување на исплатата на дивиденда е конечна потврда за целосното враќање на банките во нормала од почетокот на финансиската криза“, се наведува во соопштението на Василиос Псалтис, извршен директор на „Алфа сервисес“.
„Пиреус“ (Piraeus Financial Holdings SA) и „Еуробанк“ (Eurobank Ergasias Services and Holdings SA) исто така во четвртокот објавија дека ги добиле соодветните одобренија за наградување на нивните акционери. „Пиреус“ ќе плати готовина од 79 милиони евра, додека „Еуробанк“ на своите акционери ќе им подели 342 милиона евра. Се очекува по повод оваа пригода да се огласи и Националната банка на Грција.
Конечната распределба на исплатите треба да биде одобрена и на состаноците на акционерите на банките што треба да се одржат летово.
.webp){kind=icon}
