Вкупните депозити во јуни се зголемени за 2,3 отсто на годишна основа и овој раст во целост се должи на растот на заштедите на домаќинствата, покажуваат податоците на Народната банка.
Во јули во однос на јуни, депозитите на домаќинствата пораснале за 0,4 отсто. А на годишно ниво овој раст изнесува 5,2 отсто.
„Промената се должи на растот на краткорочните депозити во странска валута, депозитните пари и долгорочните депозити во странска валута, додека краткорочните и долгорочните депозити во денари бележат пад“, соопшти НБРМ.
Прочитај повеќе
Раст на каматите на новоодобрените кредити за компаниите
Во јуни, просечната каматна стапка на вкупните кредити на корпоративниот сектор бележи месечен раст од 0,01 п.п.
29.07.2022
Анкета: Банките ќе ги заоструваат условите за кредити на компаниите
Каматната стапка и барањата за обезбедување предизвикуваат нето-заострување на кредитните услови
22.07.2022
Реформи: Ќе се оданочуваат каматите на заштедите
Прогресивното оданочување останува отворено прашање
08.08.2022
Короната ги зголеми, енергетската криза ги топи депозитите во Македонија
Падот на депозитите во првите пет месеци од 2022 се должи на намалувањето на заштедите на фирмите заради растот на цените на енергенсите кои драстично им ги зголемија трошоците.
21.07.2022
Заштедите на фирмите се топат во овој период. Иако на месечна основа е забележан раст од 1,7 отсто на депозитите на корпоративниот сектор, на годишно ниво штедните влогови на фирмите се намалиле за 2,9 отсто.
Фирмите се повеќе се задолжуваат, покажуваат податоците на НБРМ. На годишна основа растот на кредитите изнесува 9,7 отсто, и во поголем дел се должи на растот на кредитите кон корпоративниот сектор.
„Овој месец, кредитите на корпоративниот сектор се зголемени за 0,5%, во целост како резултат на повисоките кредити во странска валута, при забележан пад на кредитите во денари. Годишниот раст изнесува 12,1% и е резултат на зголемувањето на кредитите во денари и во странска валута, коешто е поизразено кај кредитите во денари“, соопшти централната банка.
Во јули, вкупните кредити на домаќинствата остварија месечен раст од 0,5%. На годишна основа кредитите на домаќинствата бележат раст од 7,6%.
„Во јули 2022 година, според намената на кредитите одобрени на физичките лица, кај најзастапените категории ̶ потрошувачките и станбените кредити, е забележан раст од 0,4% и 0,8% на месечна основа, соодветно, при годишен раст од 6,4% и 13,5%, соодветно. Овој месец, автомобилските кредити бележат месечен и годишен пад од 1,4% и 6,4%, соодветно. Во јули, кредитите одобрени на кредитни картички забележаа месечен раст од 0,2%, при годишен пад за 1,6%. Негативните салда на тековните сметки во јули се намалени за 1,3% на месечна основа, при годишен раст од 2,6%, додека кредитите одобрени врз други основи, забележаа месечен и годишен пад од 1,0% и 19,1%, соодветно“, соопшти НБРМ.
Вкупните депозити во Македонија заклучно со јули изнесуваат 7,4 милијарди евра, а вкупните кредити 6,6 милијарди евра.
.webp){kind=icon}