.webp){kind=icon}
Просечната каматна стапка на кредитити во јули е зголемена за 0.06 процентни поени во однос на јуни и сега изнесува 4,33 отсто. Каматата за штедтините влогови трет месец по ред не се менува иизнесува 0,67 отсто.
Просечната каматна стапка на новоодобрените кредити изнесува 4,01 процент во јули и оствари месечен и годишен раст од 0,02 процентни поени и 0,39 процентни поени, соодветно. Просечната каматна стапка на новопримените депозити е намалена за 0,13 процентни поени на месечно ниво и изнесува 0,84 проценти, додека на годишно ниво оствари раст за 0,33 процентни поени.
Прочитај повеќе
Бежоска: Мерките на НБРМ нема нагло да ги зголемат каматите
Покачувањето на основната камата е умерено и постепено, не се очекуваат силни и нагли промени во каматната политика
21.08.2022
Стевкова-Штериева: За очекување е пораст на каматите за кредити
Банките се претпазливи бидејќи драстично зголемување на каматите може да влијае на способноста на клиентите за сервисирање на обврските.
07.08.2022
Каде згрешија монетарните власти?
Централни банки направија една од своите најголеми грешки кога ги потценија големината и траењето на инфлацијата
01.08.2022
Каматната стапка на вкупните кредити на домаќинствата изнесува 5,08 проценти во јули и е зголемена за 0,04 проценти во споредба со претходниот месец.
„Месечната промена се должи на растот на каматните стапки на денарските кредити без валутна клаузула (за 0,07 п.п.), како и на минималниот раст на каматните стапки на денарските кредити со валутна клаузула и кредитите во странска валута (за 0,01 процентен поен, соодветно). Споредено на годишна основа, каматната стапка на вкупните кредити на домаќинствата е намалена за 0,22 процентни поени“, соопшти НБРМ.
Во јули, просечната каматна стапка на вкупните кредити на корпоративниот сектор изнесува 3,53 проценти и на месечна основа е зголемена за 0,09 процентни поени.
„Нагорната промена е резултат на растот на сите компоненти: каматните стапки на кредитите во денари со валутна клаузула и кредитите во странска валута (за 0,13 процентни поени соодветно), како и каматните стапки на кредитите во денари без валутна клаузула (за 0,07 процентни поени). На годишна основа, каматната стапка на вкупните кредити на корпоративниот сектор е намалена за 0,08 процентни поени“, стои во соопштението од централната банка.
Просечната каматна стапка на вкупните депозити на корпоративниот сектор бележи намалување за 0,03 п.п. во јули и изнесува 0,94 проценти. Надолната промена во целост се должи на падот на каматните стапки на депозитите во странска валута (за 0,05 п.п.), додека каматните стапки на денарските депозити без и со валутна клаузула се непроменети. Споредено со јули претходната година, каматната стапка
на вкупните депозити на корпоративниот сектор е намалена за 0,17 процентни поени.
Во јули, каматната стапка на новопримените депозити на корпоративниот сектор изнесува 0,65 проценти и забележа месечен пад од 0,88 п.п. Месечниот пад се објаснува со пониските каматни стапки на денарските депозити без валутна клаузула и каматните стапки на депозитите во странска валута (за 0,80 процентни поени и 0,72 процентни поени, соодветно), во услови кога банките и штедилниците не примиле денарски депозити со валутна клаузула. На годишно ниво, оваа каматна стапка е зголемена за 0,23 процентни поени.
