Во текот на вториот квартал од 2023 година вкупните директни инвестиции во Македонија бележат нето-приливи од 133,2 милиони евра, покажуваат новите податоци на Народната банка. Тоа е резултат на зголемените инвестиции во сопственичкиот капитал (68,4 милиони евра) и реинвестирање на добивката (66,1 милиони евра), додека кај меѓукомпанискиот долг се остварени нето-одливи (од 1,3 милион евра).
Вкупните директни инвестиции во Македонија во првото полугодие од 2023 година изнесуваат 275 милиони евра, што е мало намалување во однос на истиот период претходната година, кога во земјава биле инвестирани 296 милиони евра.
Турција најголем инвеститор
Прочитај повеќе
Македонски компании уриваат рекорди во инвестирање во странство
Македонски компании се јавуваат како инвеститори во земјите од Европската Унија
08.12.2022
На првото место на листата земји најголеми инвеститори во Македонија во периодот јануари-јуни годинава е Турција, од каде што влегле директни инвестиции во износ од 60,5 милиони евра. На второто место е Германија со инвестиции од 56,9 милиони евра, а на третото е Холандија (33,7 милиони евра).
Забележителни инвестиции во износ од 26 милиони евра има и од Словенија, а изненадување е Косово, од каде што за шест месеци во 2023 година во Македонија влегле директни инвестиции од 19,8 милиони евра.
Од друга страна, најголем одлив на капитал, од околу 109 милиони евра, во овој период има кон Велика Британија.
Кога станува збор за дејностите, најмногу директни инвестиции се забележуваат во услужниот сектор, енергетиката, трговијата, земјоделството и градежништвото.
.webp){kind=icon}