Хрватската групација „Фортенова“ ја заврши продажбата на својот агробизнис, а нов сопственик на земјоделската деловна област на „Фортенова“ групацијата е „Подравка“. Имено, Групацијата објави дека по евалуацијата на обврзувачките понуди, понудата на „Подравка“ е севкупно најдобра.
Според тоа, меѓу компаниите е потпишан договор за ексклузивно преговарање, врз основа на кој групацијата „Фортенова“ ќе го продолжи процесот на преговори за склучување купопродажен договор само со „Подравка“.
„Почнавме да го истражуваме интересот за продажба на земјоделската деловна област со желба да ги максимизираме вредностите и да идентификуваме потенцијални партнери кои ќе гарантираат развој и одржливост на оваа национално важна активност и ќе обезбедат понатамошен развој на бизнисот и вработувањето, што ќе резултира со економски напредок на целиот регион на Славонија и Барање. Во „Подравка“ најдовме токму таков партнер за нашите земјоделски компании. Дополнителна предност на „Подравка“ е фактот што со неа би добиле стратешки партнер кој ќе продолжи да обезбедува квалитетни домашни суровни за понатамошна преработка и производство во „ПИК Врбовац“ и за целосниот систем на „Фортенова“. Сигурен сум дека со изборот ексклузивно да преговараме со 'Подравка' ја донесовме најдобрата можна одлука не само за земјоделските компании и нашите вработени, туку и за сите останати“, изјави Фабрис Перушко, член на Управниот одбор и главен извршен директор на Групацијата „Фортенова“.
Инаку, деловната област за земјоделство на Групацијата „Фортенова“ ги опфаќа компаниите „Беље“, „ПИК Винковци“, „Вупик“, „Енергија Градец“, „Беље Агро-Вет“ и „Феликс“.
Од „Фортенова“ наведуваат со ова привршува шестмесечниот процес на избор на стратешки партнер за земјоделскиот бизнис на Групацијата, а по склучувањето на купопродажниот договор ќе биде потребно да се комплетираат вообичаените регулаторни одобренија од надлежните органи за заштита на пазарната конкуренција за да се заврши трансакцијата.
.webp){kind=icon}
