Девет највозбудливи отворања на луксузни хотели во Европа во 2025 година

Се очекува дека ова ќе биде добра година за отворање високобуџетни хотели. Лондон ќе ја продолжи својата долгогодишна златна треска од хотели со пет ѕвезди, по дебито на „Мандарин ориентал“ (Mandarin Oriental) и „Емори Мејбурн“ (Emory Maybourn Hotel Group) во британската престолнина во 2024 година.

Во Грција „Фор сизнс“ (Four Seasons) го проширува своето портфолио надвор од својот значаен имот на атинската ривиера, со хотел во Миконос, кој треба да се отвори токму навреме за медитеранското сончево лето. Во Шпанија „Коста дел Сол“ (Costa del Sol) ќе добие голема луксузна надградба во близината на Гибралтар.

Нов сјај добиваат и некои посакувани европски икони. „Сплендидо“ (Splendido) на хотелот „Белмонд“ (Belmond) во Портофино, Италија, во јуни ќе го заврши своето повеќегодишно реновирање, предводено од дизајнерската суперѕвезда Мартин Брудницки. „Бренерс парк“ (Brenners Park), познатото одморалиште за долговечност на германски Шварцвалд, исто така повторно ќе се отвори пролетва по комплетната модернизација што траеше 18 месеци (или треба да кажеме подмладување?).

Во продолжение ви нудиме листа на деветте највозбудливи луксузни хотели во Европа што ќе бидат отворени годинава.

„Ветера Матера“ (Vetera Matera)

Кога: март
Каде: Матера, Италија

Матера беше кул познато место за еднодневно патување благодарение на неговите карпести живеалишта ископани во пештери, од кои некои датираат од палеолитската ера, но малку посетители остануваат да преноќат со оглед на недостигот од опции за сместување, нешто што ќе се промени со доаѓањето на „Ветера“, хотелот што е нов член на „Рилес енд шато“ (Relais & Châteaux). Овој хотел со 23 соби е врежан во самата Саси (област во италијанскиот град Матера), давајќи им на гостите поглед одблизу на познатите градби, а вклучува и спа-центар со базени вградени во карпите. Тоа е идеална основа за истражување на градските камени згради и кривулестите улици со калдрма, од кои неколку беа прикажани во филмот за Џејмс Бонд од 2021 година. Цените на собите допрва ќе бидат објавени.

„Ван ојс Мастрихт“ (Van Oys Maastricht)
Кога: март
Каде: Ајсден, Холандија

Откриени греди, шармантни тули и соби во вила од 12 век: овој холандски хотел е како слика што оживеала од старите мајстори. Сместен е на брегот на реката Меус во близината на белгиската граница, со бујна бања опкружена со зеленило и програми што се фокусираат на забавување. Но, за разлика од другите селски оази, оваа е на 15 минути возење од најблискиот град Мастрихт, неопеан скапоцен камен на дестинација со средновековна архитектура и енергична уметничка сцена. Соби од 300 долари.

Издание на езерото Комо
Кога: пролет
Каде: Езеро Комо, Италија

Откако ќе го погледнете пловечкиот базен, изграден да лебди над езерото Комо, можеби нема ни да ја забележите големата зграда во која се наоѓа хотелот со 142 соби. Сепак, таа структура е исто така глетка што треба да се види: тоа е трансформирана зграда од 19 век со поглед кон планините Белаџо од западниот брег на езерото. Внатре очекувајте живост, слабо осветлени барови и кул ресторани. Тоа исто така значи дека ќе можете да го резервирате вашиот престој со пет ѕвездички со поени на „Мериот бонвој“ (Marriott Bonvoy). Цените на собите допрва ќе бидат објавени.

„Шато де ла Комараин“ (Château de la Commaraine)
Кога: јули
Каде: Помард, Франција

Францускиот регион Бургундија, светски познат по своите вина, го добива својот прв луксузен хотел. Хотелот со 37 соби, кој инаку е помал брат на „Ројал шампањ“ (Royal Champagne Hotel & Spa), е сместен во имот што датира од 1112 година, на само две милји од главниот град на виното во Бургундија, Боун. Очекувајте многу забавни активности и понуди како за љубителите на историјата, така и за енофилите, како што е бар во бедем од 14 век и, секако, модерна винарница, која може да ја истражувате на терен, односно активности што вклучуваат „винско сафари“ до блиските лозја и тури во регионот, со балон на топол воздух. Соби од 800 евра (820 долари).

„Фор сизнс“ (Four seasons), Миконос
Кога: летово
Каде: Миконос, Грција

Сакате спокој на Миконос? Плажи со камчиња, згради во облик на коцки шеќер и улици обложени со бугенвили без туп-туп-туп од неговиот ноќен живот од светска класа? Резервирајте во „Фор сизнс“, кој ќе ја понуди токму таа комбинација поради локацијата на помалку развиената југозападна страна на островот. Хотелот со 94 соби ќе вклучува огромен базен со поглед на Егејот и модерна интерпретација на традиционалното миконско кафе. Цените на собите допрва ќе бидат објавени.

„Оку Андалузија“ (Oku Andalusia)
Кога: летово
Каде: Кадиз, Шпанија

Бутик-хотелската компанија „Оку“ е позната по тоа што создава жешки центри среде жешките точки, како островите Ибица и Кос, кои се центарот на ноќниот живот. Ова лето доаѓа на шпанското копно. Имотот со 255 соби на Коста дел Сол ќе вклучува клуб на плажа само за возрасни, со музика до раните утрински часови. Гостите можат да закрепнат во голема бања од 13.185 квадратни метри. И за првпат во портфолиото на брендот ќе има и детски клуб во зграда во стил на шпанска фарма, каде што покрај забавата со животните, децата на возраст од 12 години и помали ќе можат да се пријават за тениски кампови и активности на вода. Сигурно е дека чувањето деца ќе им биде достапно на родителите по доцните ноќни часови. Цените на собите допрва ќе бидат објавени.

„Мандарин ориентал Виена“ (Mandarin Oriental Vienna)
Кога: летово
Каде: Виена

Сто и дваесет години старата зграда, која порано била градска судска зграда, наскоро ќе стане „Мандарин ориентал“ со 151 соба, со естетика што се приспособува на виенскиот модернизам од позлатената ера. „Мандарин ориентал“ сериозно ги сфаќа своите бањи, а ни тука нема да биде исклучок, бидејќи ќе има осум соби за третмани и затворен базен. Хотелот се наоѓа во рамките на центарската кружна улица Рингштрасе, што значи дека со кратко пешачење ќе имате на дофат речиси сè што би сакале да видите при првата посета на австриската престолнина, било да е тоа средновековната катедрала Свети Стефан, градскиот парк или најпознатите кафулиња во градот. Цените на собите допрва ќе бидат објавени.

„Роузвуд“ (Rosewood)
Кога: втората половина од годината
Каде: Лондон

Претворањето на модернистичката американска амбасада на плоштадот „Тони Гросвенор“ во хотел е процес долг речиси една деценија, а подоцна годинава нејзините врати конечно ќе се отворат. Зачувана е впечатливата оригинална фасада со позлатен орел од 36 метри. Зградата ќе има 146 нови соби за гости, а на располагање ќе има и некои од најочекуваните ресторани во Лондон. Цените на собите допрва ќе бидат објавени.

„Иреле Венеција“ (Airelles Venezia)
Кога: наесен
Каде: Венеција, Италија

Омилениот француски хотелски бренд „Иреле“ (Airelles), познат по луксузните имоти со кои располага, како богатиот версајски „Ле гран контрол“ (Le Grand Contrôle), за првпат се шири надвор од својата земја. Неговото италијанско деби ќе биде на венецијанскиот остров Џудека, со поглед на каналот кон базиликата Свети Марко. Хотелот е огромен проект за трансформација на три историски згради, вклучувајќи ја и голема палата дизајнирана од познатиот ренесансен архитект Андреа Паладио. Гостите можат да се релаксираат во спа-центарот на хотелот од 18.000 квадратни метри или да се капат во кој било од трите базени. Очекувајте раскошен спој на француски и италијански дизајн во 45-те соби, ресторани и заеднички простори. Цените на собите допрва ќе бидат објавени.