Португалската фудбалска ѕвезда Кристијано Роналдо, кој во средата наполни 40 години, вели дека сонува да поседува неколку клуба по пензионирањето.
„Ако можам да бидам сопственик на клуб, зошто би бил менаџер, спортски директор или извршен директор?“, рече Роналдо во интервју за португалскиот телевизиски „Канал 11“. „Тоа е мојот сон и сигурен сум дека ќе го остварам. Ќе кажам уште нешто: се надевам дека нема да имам само еден клуб, туку дека ќе поседувам неколку клуба“.
Роналдо му се приклучи на клубот Ал Наср од Саудиска Арабија во 2022 година за годишна плата од повеќе од 200 милиони долари, според новинските извештаи. Оттогаш, петкратниот добитник на „златната топка“ го прошири своето портфолио на инвестиции и деловни потфати, кои вклучуваат хотели и фитнес-брендови, како и удел во португалска медиумска компанија.
Прочитај повеќе
Што не смеете да пропуштите во фудбалот?
Фудбалските навивачи, а особено оние површните, имаат карактеристика да се фокусираат на една екипа или дури на една лига и да ја следат со децении.
06.02.2025
Манчестер сити потроши најмногу, најскапиот играч отиде во Саудиска Арабија
Англиската Премиер-лига со дефицит од 330 милиони евра доминираше во потрошувачката во преодниот рок, но тоа не е изненадување.
05.02.2025
Како работеа најголемите фудбалски клубови?
Во најдобрите 20 фудбалски клуба според приходите се наоѓаат дури девет англиски клуба, по три шпански, француски и италијански клуба и само два германски.
29.01.2025
Саудијците открија зошто вложуваат во спортот: Отпорен е на кризи
Спортот е одличен генератор на развој на туризмот, а за разлика од многу други сектори, тој е отпорен на кризи.
25.01.2025
Со инвестирање во фудбалски клуб, Роналдо би ги следел чекорите на играчи како поранешната бразилска ѕвезда Роналдо Назарио, кој поседува мнозински удел во Реал Ваљадолид во Шпанија, и поранешниот капитен на Англија, Дејвид Бекам, кој е косопственик на Интер Мајами.
Португалскиот играч не даде никаква индикација кога планира да се пензионира, бидејќи продолжува да ја претставува својата земја и се очекува да го обнови својот договор со Ал Наср до јуни 2026 година за уште 200 милиони евра (208 милиони долари) годишно, според португалскиот спортски весник „А Бола“ (A Bola).
„Сè уште сакам да тренирам, не е исто како кога имав 20 години, но сè уште ја чувствувам страста“, рече Роналдо во интервјуто за „Канал 11“. „Моите пријатели велат дека немам никаков живот. Тоа е вистина, но ми се допаѓа, знам дека ќе заврши, за една, две или три години. Не знам. Не ми е грижа за тоа“.
Пред една деценија Роналдо се здружи со групата хотели „Пестана“ (Pestana) за да го создаде брендот „Пестана ЦР7“ (Pestana CR7 Lifestyle Hotels). Тие хотели се наоѓаат во Њујорк, Мадрид, Лисабон, Маракеш и Фуншал, според веб-страницата на „Пестана“.
Неговите најнови инвестиции вклучуваат купување на Лисабонскиот рекет-центар (Lisboa Racket Center), тениски и падел-клуб во Лисабон. Роналдо исто така купи 10 отсто удел во португалскиот производител на порцелан „Виста Алегре Атлантис“ (Vista Alegre Atlantis SGPS) во 2024 година, една година откако им се приклучи на група инвеститори за да купи медиумска компанија што го поседува „Кореијо да Мања“ (Correio da Manha), еден од најчитаните дневни весници во Португалија.
.webp){kind=icon}