text size
Развивачите на софтвер се на врвот на листата на „УС њуз енд ворлд рипорт“ (US News & World Report) за најдобри работни места во 2023 година, со скок од петтото место, каде што беа позиционирани минатата година, и покрај големиот број отпуштања во технолошките гиганти како „Мета“ (Meta Platforms Inc.), „Сејлсфорс“ (Salesforce Inc.) и „Амазон“ (Amazon.com Inc).
„УС њуз“ ги анализираше податоците од Бирото за статистика на трудот за да ги рангира работните места според побарувачката за работа, растот, средната плата, стапката на вработеност, идните изгледи за работа, нивото на стрес и рамнотежата помеѓу работата и животот.
Bloomberg
Безбедноста на работното место е најважен приоритет во 2023 година. Како што растат стравувањата од рецесија и се наѕира заканата од дополнителни отпуштања, ветувањата од големите технолошки компании го загубија својот сјај за работниците што бараат постабилни сектори. Според неодамнешно истражување на „Зип рекрутер“ (ZipRecruiter), повеќе од една четвртина од отпуштените технолошки работници се префрлиле во друга индустрија. За оние што сакаат да останат во технологијата, конкуренцијата се вжештува, бидејќи кандидатите се борат за сè помал број позиции.
Иако изгледите за развивачите на софтвер во технолошкиот сектор може да бидат малку послаби, сè уште има многу можности надвор од областа на заливот Сан Франциско. Не можејќи да се изедначат со платите во Силиконската долина, компаниите во традиционалните индустрии од финансии до малопродажба долго време страдаат од недостиг од софтверски инженери и сега се желни да соберат врвни таленти.
Bloomberg
За оние што бараат максимална сигурност на работното место, „УС њуз“ прогласува јасен победник: Според извештајот, 13 од топ 20 кариери со најголема сигурност се во здравството, вклучувајќи работни места како што се регистрирана медицинска сестра и менаџер за медицински и здравствени услуги.
.webp){kind=icon}
