Надоместокот на главниот извршен директор на „Ексон“ (Exxon Mobil), Дарен Вудс, се зголеми за 52 процента, на 35,9 милиони долари во 2022 година, откако војната во Украина ги крена цените на нафтата и компанијата забележа рекорден профит.
Бонусот на Вудс се зголеми повеќе од двојно, па тој доби повеќе од 11 милиони долари дополнителни награди во акции, покажуваат податоците на компанијата, објавени денеска. Неговата плата во 2023 година се зголеми за 10 отсто, на 1,9 милион долари.
Зголемувањето покажува дека „Ексон“ и неговите лидери профитирале од зголемените цени на нафтата додека потрошувачите биле оптоварени со повисоки трошоци за енергија.
Во јуни претседателот на САД, Џо Бајден, ја обвини компанијата „Ексон“ дека заработува „повеќе пари од Бога“. За споредба, платата на извршниот директор на „Шеврон“ (Chevron Corp), Мајк Вирт, во 2022 година се покачи за околу четири проценти, на 23,6 милиони долари.
.webp){kind=icon}
