text size
Илон Маск се враќа на својата репутација како микроменаџер. Сепак, на најдобрите вработени, вели тој, всушност им треба малку менаџмент.
„Не би го нарекол микроменаџмент, тоа е само инсистирање да се внимава на деталите“, рече тој во понеделникот во интервјуто со Николај Танген, главен извршен директор на норвешкиот фонд за богатство, кое беше емитувано на страницата за социјално вмрежување на Маск, X. „Ако се обидувате да направите совршен производ, тогаш вниманието на деталите е од суштинско значење“.
Биографијата на Волтер Исаксон за Маск го прикажува милијардерот како опседнат со најситните одлуки, од дизајнот на „сајбертрак“ (Cybertruck) до местото каде што „Твитер“ ги става своите сервери. Маск во понеделникот рече дека не ја прочитал книгата на Исаксон за него, и покрај тоа што му дал на авторот можност во текот на две години лично да набљудува како истовремено води шест компании.
Прочитај повеќе
Маск им ги зголемува платите на инженерите за ВИ за да не одат во „Опен еј-ај“
Маск рече дека војната за персонал со вештачка интелигенција е најлошата што ја видел.
04.04.2024
Маск смета дека тоа што зема кетамин е во најдобар интерес на инвеститорите
Маск изјави дека тоа што му е пропишана употреба на кетамин ги ублажува периодите кога тој е во лошо расположение.
18.03.2024
Бизнис-титани и злоупотреба на дрога
Пејот е халуциногено овошје од американските пустини што стана култна билка.
11.03.2024
Иако повеќето шефови ориентирани кон микроменаџмент не сметаат дека нивните постапки ја нарушуваат автономијата на вработените, мнозинството работници велат дека се соочиле со премногу инволвирани шефови во текот на нивните кариери, покажуваат повеќе истражувања. А, Маск е во добро друштво со други газди со широка лепеза на барања како што се поранешниот извршен директор на „Епл“ (Apple), Стив Џобс и поранешниот извршен директор на „Мајкрософт“ (Microsoft), Бил Гејтс.
На прашањето како управува со своите најдобри вработени, Маск рече: „Работата со паметните луѓе е што тие управуваат со себе“. Интелигентните и талентирани луѓе можат да одат и да работат каде било, рече тој, така што начинот да ги одржиме среќни е да поставиме цели и да ги оставиме самите да смислат како да се постигнат.
„Затоа јас им велам: 'Видете, ова е целта кон која се стремиме и тоа е она што се обидуваме да го постигнеме. Ако се согласувате со таа цел, тогаш ајде да ја завршиме таа работа'“, рече Маск, истакнувајќи дека го задржува правото на одлука и да ја преземе контролата кога тоа е оправдано. „Понекогаш треба и да кажете: 'Дечки, треба да ми верувате за ова'“.
.webp){kind=icon}
