Надзорниот одбор на НЛБ Банка Скопје на денешната седница го именуваше Тони Стојановски за нов Претседател на Управниот одбор. Тој ќе ја преземе функцијата Претседател на Управниот одбор на НЛБ Банка Скопје по добиена согласност од Народната банка на Република Северна Македонија. Во меѓувреме ќе ја преземе функцијата Помошник на Управниот одбор на НЛБ Банка Скопје. До добивање согласност од Народната банка за нов Претседател на Управниот одбор на НЛБ Банка Скопје, функцијата ќе ја извршува актуелниот Претседател на Управниот одбор, Бранко Грегановиќ.
За промената во органите на управување, од НЛБ банка информираа преку Македонска берза.
„НЛБ Банка АД Скопје известува дека на ден 07.06.2024 година, Бранко Грегановиќ поднесе оставка од функцијата претседател на Управниот одбор на НЛБ Банка АД Скопје.
Прочитај повеќе
Извршниот директор на ХСБЦ поднесе оставка, најголемата европска банка бара замена
Одборот на директори го започна формалниот процес на потрага по нов лидер.
30.04.2024
„Прокредит банка“ ја зголеми добивката пред оданочување за 120 проценти
Приходите на банката изнесуваат 28,4 милиони евра во 2023 година, наспроти 17,3 милиони евра во 2022 година.
21.03.2024
Рекордна добивка на НЛБ, дивидендата повисока за 100 отсто
За растот на приходите најмногу придонеле нето-приходите од камати, кои лани изнесувале 833,3 милиони евра и забележале раст од 65 отсто во однос на претходната година.
23.02.2024
НЛБ преку „задната врата“ на хрватскиот пазар
Спрегата меѓу Словенија и Хрватска произлегува од времето на поранешна Југославија.
01.12.2023
Тони Стојановски доаѓа од Стопанска банка Скопје каде до неодамна, 15 години беше член на Управниот одбор на Банката. Од 2020 година, Стојановски е Генерален директор за корпоративно банкарство, а во периодот помеѓу 2010 и 2020 година, тој беше и генерален директор за управување со ризици.
НЛБ Банка АД Скопје
Пред да се приклучи на менаџерскиот тим на Стопанска банка Скопје, Стојановски извршуваше високи раководни функции во Народната банка на Република Северна Македонија, вклучително и функцијата Генерален директор на Секторот за супервизија, банкарска регулатива и финансиска стабилност.
Тони Стојановски е банкарски професионалец со повеќедецениско работно искуство во финансискиот сектор и долгогодишен член на релевантни одбори и организации: Претседател на Управниот одбор на Македонска берза АД Скопје, Заменик претседател на Македонската банкарска асоцијација и Претседател на Надзорниот одбор на Стопанска Лизинг Скопје.
„Почестен сум од довербата да бидам именуван за Претседател на Управниот одбор на НЛБ Банка Скопје. Ја прифаќам оваа улога со благодарност и уште поголема одговорност. Посветеноста на тимот на Банката кон напорна работа и колективната посветеност за постигнување врвни резултати, доволно зборува за потенцијалот што оваа Банка го има за да ги постигне своите цели и да ја исполни својата мисија“.- истакнува Стојановски по денешната седница на Надзорниот одбор.
Бранко Грегановиќ ја извршува функцијата Претседател на Управниот одбор на НЛБ Банка Скопје од јануари 2022 година. Под раководство на Грегановиќ, НЛБ Банка Скопје постигнува одлични деловни резултати, а истовремено реализирани се и бројни општествено одговорни проекти со значајно влијание во заедницата.
По именувањето на новиот Претседател на УО на Банката, Бранко истакнува: „Промените се дел од процесот на развој и составен дел од растот на Банката. Драго ми е што можам да кажам дека НЛБ Банка Скопје е добро подготвена да се соочи со идните предизвици. Би сакал да ја искористам оваа прилика да му честитам на Тони за именувањето и да му посакам многу деловни успеси и лично задоволство во новата улога.“
.webp){kind=icon}
Во моментов нема коментари за веста. Биди прв да коментира...