Маневрите на Марк Закерберг во метаверзумот (metaverse) скапо го чинеa во реалниот свет.
Дури и во тешка година за речиси секој американски технолошки гигант, богатството збришано од салдото на главниот извршен директор на „Мета платформс“ (Meta Platforms Inc.), особено се истакнува. Неговото богатство е намалено за половина и повеќе, опаѓајќи за 71 милијарда долари досега годинава, што е најмногу меѓу ултра богатите следени со индексот на милијардери Bloomberg Billionaires Index. Со 55,9 милијарди долари, богатството на Закерберг е на 20. место меѓу светските милијардери, што е негов најнизок ранг од 2014 година, зад тројца Волтони и двајца членови на семејството Кох.
Пред помалку од две години, Закерберг (38) имаше вредност од 106 милијарди долари и беше меѓу елитната група глобални милијардери, а само Џеф Безос и Бил Гејтс имаа поголеми богатства. Неговото богатство достигна врв од 142 милијарди долари во септември 2021 година, кога акциите на компанијата достигнаа дури 382 долара.
Загубата на Закерберг од 71 милијарда долари од неговото богостство го симна за 14 места на листата на најбогати во светот / Bloomberg Mercury
Следниот месец, Закерберг ја претстави Meta и го смени името на компанијата од Facebook Inc. И оттогаш наваму во голема мерка работите тргнаа надолу додека компанијата се бори да ја најде својата база во технолошкиот универзум.
Нејзините неодамнешни извештаи за заработка се очајни. Почетокот беше во февруари, кога компанијата откри дека нема пораст на месечните корисници на Facebook, што предизвика историски колапс на цената на акциите и го намали богатството на Закерберг за 31 милијарда долари, што е меѓу најголемите еднодневени падови на богатство досега. Другите ризици го вклучуваат облогот на Instagram во Reels - неговиот одговор за кратките видео содржини на TikTok.
Акциите исто така тонат надолу поради инвестициите на компанијата во метаверзумот, вели Лаура Мартин, виша интернет аналитичарка во Needham & Co.
Во меѓувреме, Meta „мора да ги врати корисниците од TikTok“, додава Мартин. Исто така постојат препреки поради „прекумерната регулаторна контрола и интервенција“, објаснува таа.
Компанијата со седиште во Менло Парк, Калифорнија е во пад од околу 57 отсто оваа година, многу повеќе од падовите од 14 отсто на Apple Inc., 26 отсто на Amazon.com Inc. и 29 отсто на Google Alphabet Inc.
Речиси целото богатство на Закерберг е поврзано со акциите на Meta. Тој поседува повеќе од 350 милиони акции, според најновата изјава на полномошник на компанијата. Цената вчера изнесуваше 146,18 долари во Њу Јорк.
Закерберг се обиде со еден вид на ребрендирање. Неодамна постави видео на кое вежба боречки вештини и постојано се нарекуваше себеси „дизајнер на производи“ во тричасовниот разговор во подкастот на Џо Роган.
.webp){kind=icon}
