Германија на чекор до национализација на гигантот 'Унипер'

Германската влада е сè поблиску до конечен договор за национализација на гасниот гигант „Унипер“ (Uniper SE), при што финалните детали сè уште се разработуваат, велат познавачите на ситуацијата.

Постигнат е привремен договор меѓу владата, Uniper и нејзиниот главен акционер, финската компанија „Фортум Оји“ (Fortum Oyi), посочиле извори, кои побарале да останат анонимни. Иако договорите не се потпишани, Берлин планира да објави соопштение кон крајот на неделава.

Портпаролката на Fortum одби да ја коментира ситуацијата додека траат преговорите. Немаше коментар ниту од финската, ниту од германската влада.