Австриската „Рајфајзен банк интернешнал“ - РБИ (Raiffeisen Bank International - RBI) објави клучни информации за текот на својата јавна понуда за преземање на „Адико банка“ (Addiko Bank AG), откривајќи дека е на чекор до исполнување на минималниот праг.
Во неизвесната завршница од борбата за контрола над „Адико банка“, во која учествува и словенечката „Нова љубљанска банка“ - НЛБ (NLB), секој процент од поддршката на акционерите е пресуден. Најновите податоци покажуваат дека „РБИ“ обезбедил значајна предност, но исходот ќе остане неизвесен сѐ до истекот на рокот за прифаќање на понудата
Поддршката од акционерите се приближува до клучниот праг
Значителен дел од оваа поддршка доаѓа од српската „Алта група“ (Alta Grupa), која поседува 1.878.167 акции, односно 9,63 отсто од уделот во „Адико банка“, и која одлучи да ја прифати понудата на австриската банка. Од „РБИ“ истакнаа и дека, и покрај законската можност за повлекување на прифаќањето по подобрувањето на конкурентската понуда, досега не примиле ниту една изјава за повлекување.
Прочитај повеќе
По „Рајфајзен“, и НЛБ се обидува да го намали прагот за преземање на „Адико“
НЛБ има намера да го намали минималниот праг за прифаќање на својата доброволна јавна понуда за преземање на „Адико“, која е целосно во готовина и е насочена кон стекнување контролен удел во банката.
13.07.2026
„Рајфајзен банка“ не се откажува од „Адико“, го намалува прагот за преземање
Австриската „РБИ“ соопшти дека до 9 јуни добила понуди за 50,42 отсто од акциите на „Адико банка“ - „РБИ“ сега има намера да го намали минималниот праг за прифаќање.
07.07.2026
Борбата за „Адико“ влегува во завршница во корист на „Рајфајзен“
„Рајфајзен банка“ објави дека обезбедила поддршка од акционери што поседуваат повеќе од 50 проценти удел.
10.06.2026
Битката за „Адико банка“ се разгорува, „НЛБ“ ја качи понудата на 33,5 евра по акција
Новата цена е за 26,4 проценти повисока од понудата објавена од „Рајфајзен Банк Интернешнл“ (RBI) кон средината на мај.
01.06.2026
Војна на понудите и стратешко надмудрување
Оваа објава доаѓа во екот на интензивната битка меѓу „РБИ“ и словенечката „НЛБ“. Додека РБИ нуди 26,50 евра по акција, НЛБ ја зголеми својата понуда на значително повисоки 37 евра по акција, што ја наведе и Управата на „Адико банка“ да го промени својот став и повеќе експлицитно да не ја препорачува понудата на РБИ.
Сепак, се чини дека цената не е единствениот фактор. Стратешкиот потег на РБИ, со одобрение од австриската Комисија за преземања, да го намали прагот за успешност на понудата од 75 на 55 отсто, се покажа како клучен. Со тоа банката сигнализираше решеност да ја заврши трансакцијата, потпирајќи се на поддршката од постојните акционери. Како одговор, и НЛБ најави намера да го намали сопствениот праг, но РБИ засега има конкретна поддршка од акционерите што го доведува на чекор до победа.
Акционерите на „Адико банка“ имаат рок до 22 јули во 17 часот да одлучат која визија и која понуда повеќе им одговара.
Со оглед на тоа што на РБИ му е потребна поддршка за уште помалку од четири отсто од акциите за да ја достигне својата цел, се чини дека е во предност. Сепак, финансиски поповолната понуда на НЛБ и можноста дел од акционерите во последен момент да ја променат својата одлука оставаат простор за неизвесност. Деновите што следуваат ќе покажат кој ќе излезе како победник во едно од најинтересните преземања во регионалниот банкарски сектор во последните години.
.webp){kind=icon}
