text size
Добивката падна од 820 милиони евра и беше пониска од очекувањата на аналитичарите, кои во анкетата на „Блумберг“ во просек прогнозираа околу 624 милиони евра. Компанијата наведе дека поради конфликтот дошло до пад на интересот на патниците и до подоцнежни резервации поради загриженоста околу снабдувањето со авионско гориво.
Како прв голем европски авиопревозник кој ги објави резултатите за овој период, „Рајанер“ даде увид во тоа како војната меѓу Иран и Израел влијаела врз авио-индустријата во Европа.
Компанијата истакна дека била принудена да ја поттикне побарувачката со намалување на цените, додека цените на билетите во второто фискално тримесечје и понатаму се нешто пониски отколку пред една година, и покрај неодамнешниот раст на бројот на резервации.
„Рајанер“ соопшти дека сè уште нема јасен увид во работењето во втората половина од фискалната година, поради што не е објавена прогноза за годишната добивка.
Како што додадоа од компанијата, секоја промена на цените на билетите во првата половина од годината ќе зависи од резервациите во август и септември.
„На добар пат сме да оствариме профитабилна година, но сè уште е премногу рано да зборуваме за конкретни бројки“, изјави финансискиот директор на компанијата Нил Соран.
Компанијата очекува капацитетите на кратките летови да останат ограничени најмалку до 2030 година поради недостигот на нови авиони од производителите „Боинг“ и „Ербас“, како и поради проблемите со моторите поради кои дел од флотата е приземјена.
Соран исто така очекува капацитетите дополнително да бидат намалени поради консолидацијата на пазарот, со оглед на тоа дека околу конкурентската компанија „Изиџет“ се борат двајца инвеститори од САД.
Тоа ќе придонесе европската авио-сцена да биде доминирана од три главни традиционални авиокомпании и „Рајанер“, изјави Соран во одделно интервју за „Блумберг ТВ“.
Оперативните и единечните трошоци пораснале во првите три месеци од годината, пред сè затоа што повеќе од двојно се зголемил уделот на потрошувачката на гориво кој не бил заштитен со термински договори.
„Рајанер“ наведе дека до март следната година обезбедил 80 отсто од потребите за авионско гориво по цена од 67 долари за барел, додека единечните трошоци за целата година ќе зависат од преостанатите 20 отсто гориво за кое однапред не е договорена цена.
Компанијата планира инвестициите да ги насочи кон проширување на флотата со авиони „Боинг 737 Макс-10“, исплата на дивиденди, завршување на програмата за откуп на сопствени акции и зголемување на готовинските резерви на четири милијарди евра.
Акциите на „Рајанер“ паднаа за околу 12 отсто од почетокот на годината, откако во текот на 2025 година пораснаа за 55 отсто.
.webp){kind=icon}
