.webp){kind=icon}
Глобалното производство на Тојота „Toyote Motor Corp.“ заздравува прв пат во пет месеци, водено од добивките на прекуморските пазари, а особено од југоисточна Азија, каде што претходно ширењето на Ковид го наруши ланецот на снабдување.
Водечкиот светски производител на автомобили произведе 766.683 возила во август, што е за 44 проценти повеќе отколку истиот месец претходната година, објави јапонската компанија. Глобалната продажба порасна за 3,58 проценти во однос на претходната година, на 777.047 возила, што е прво зголемување во последните 12 месеци.
Иако Тојота и натаму се соочува со недостиг на полупроводници и се бори со долготрајните ограничувања во ланецот на снабдување, што произлезе од пандемијата, сепак ситуацијата се подобрува споредено со претходната година, кога бројот на инфицирани од Ковид беше поголем, што предизвика затварање на фабрики и недостиг од делови. Тојота се држи до својата цел за производство на 9,7 милиони возила за фискалната година до март 2023.
Што вели Блумберг Интелиџенс?
Продажбата и добивката на Тојота може да ги надминат предпандемиските резултати, додека нето долгот може да се намали.
Производството на Тојота во Јапонија во август порасна за 5,6 отсто во однос на претходната година, на 196.038 возила, што е прво зголемување во последните 5 месеци, се наведува во соопштението.
Акциите на Тојота утрово, во пресрет на објавата на податоција, се тргуваа со пад од 0,4 проценти, со што годишниот пад на акциите сега изнесува 8 отсто.
